Kpop star Sulli a ruak in an hmuh

- Advertisement -

Kum 25 simi Korean pop star Sulli cu tuni ahkhan Seoul khuapi um a inn chung ah a ruak in an hmuh.

A manager nih a ruak in a hmuh i palek sin ah thawng a thanh.

Sulli hi a stage min a si i a min tak cu Choi Jin-ri ti a si. A manager chimnak ah lungrawh zawtnak (depression) a ngei. Sulli amah tein hri in aa awkthatmi kongah palek nih thil sining an hlat lio a si.

Atu tiang ahcun catialmi (note) tbk an hmu rih lo.

Sulli cu nu pawl covo a aupi ruangah online ah nehsawh le tawitam a tong.

South Korea ram cu vawlei cung mah le mah i thah a tambiknak ram pakhat a si ve i, mah le mah aa thatmi hna hi kum 40 tang lawngte an si hna tiah cozah nih a ti.

Sulli cu 2005 ahkhan drama ah ngakchia lemcang a ttuan i 2009 ahkhan SM Entertainment company tang ah a ummi f(x) band ah a lut.

Online in an ka nek tuk, lih le lih in an ka mualphoh peng a ti i 2014 ahkhan hlasak le acting in aa ngol. Nain, 2015 ah acting rian a peh tthan.

2017 ahkhan ‘Real’ le ‘Pirates’ drama ah lemcang a ttuan. Naite zong ahkhan Netflix chuahmi ‘Hotel del Luna’ drama ah aa tel ve.

Sulli cu online ah soisel le thangchiat a tong lengmang pah buin dawh ngai in nu pawl covo a aupi. An nih hi 2017 ah amah tein aa thatmi Kpop Jonghyun he hawikawm neihniam an si.

“Sulli cu amah tein aa that ti loin an thah ti deuh ding a si. Atu le tu online in an thangchiat,” tiah a fan pakhat nih a ti. – Star2

Follow US

102,148FansLike
53FollowersFollow
731SubscribersSubscribe

Ṭial Tharmi

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.

Mara nih VP Pu Henry Van Thio sinah hitin ca an kuat

CNLD candidate simi Saya Rung Kaw nih naite Mara ram a tlawn lio ah an lam sul le mipi thinlung a hmuh...

Hakha rawl dawr ah tthut khawh si ti lo

Hakha khuapi ah Covid-19 vennak caah zawtnak karh a fawinak rawl dawr le lakphak dawr pawl ah tthut in ei khawh si...
- Advertisement -