6.4 C
Hakha
Tuesday, December 10, 2019
More

    Korea actor Cha In-ha cu a inn chungah a ruak in an hmuh

    Follow Us

    99,419FansLike
    254SubscribersSubscribe

    Ṭial Tharmi

    - Advertisement -

    South Korea actor Cha In-ha cu a inn chungah a ruak in an hmuh tiah palek nih Nithumni ah an thanh. Thla 3 chungah Chan In-ha telhin Korea minthang 3 an thi cang.

    Cha a min taktak hi Lee Jae-ho ti a si. A nih hi Surprise U band chungtel hlun a si i 2017 ahkhan avoi khatnak bik film aa thla.

    “Cha (kum 27) cu Nihnihni ahkhan a inn chungah a ruak in an hmuh. A thihnak a ruang kan hngal rih lo” tiah palek nih an chim.

    Cha nih a fan pawl cu khuasik ah ttha tein in i zohkhenh dingin Instagram ah ca a post. A thaizing ah a ruak in an hmuh.

    A agency Fantagio nih “Cha a thih cu kan ngaihchia tuk hringhran. Mipi le media nih a thihnak kong ah tuanbia phozar lo dingin kan in nawl hna” tiah cathluan a chuah.

    Kan hnu thla ahkhan Kpop singer Koo Hara (kum 28) zong a inn chungah a ruak in an hmuh. Social media ah mipi nih an soisel tuk ruangah aa that tiah an ruah.

    October thla zong ahkhan Kpop Idol star Sulli (kum 25) zong online ah an nehsawh ruangah amah tein a rak i that.

    Kpop pawl hi leng zohnak ahcun a hlawhtling tuk mi le aa nuam tuk ding an lo nain hmuh khawh lomi phen ah harsetnak tampi an rak tong. Kan hnu zarh ahkhan Kpop band chungtel hlun pa 2 cu nu tlaihhrem an timh ruangah thongthlak an si.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.