Wednesday, December 1, 2021

KNU nih ralkap duhlo langhtertu mipi meithal he a zulhven hna

Dawei peng ah ralkap duhlonak langhtertu mipi cu Karen hriamtlai phu (KNU/KNLA) nih meithal he a zulhven hna.

Karen hriamtlai phu cu miphun hriamtlai phu ṭhawngṭha hna lakah aa telmi asi.

Naite zongah sandahpiahtu mipi hnahnawhnak a petu Myanmar ralkap bawi 1 le a tapeh 2 an kah thah hna.

CRPH nih Myanmar UN Special Palai a thimmi Dr. Sasa he zong online in meeting an tuah i ralkap uknak hrawhnak kong, federal democracy ram dirhnak kong an ceih.

“Ramdang he i bawm in ralkap uknak kan hrawh lai,” tiin cathanh an chuah.

“Ralkap uknak kan duh lo caah kanmah KNU/KNLA kan umnak hmun paoh cu kanmah tein kan i uk lai,” tiin cathanh an chuah fawn.

February 1 ah ralkap nih uknak an lak hnu in atutiang ah a langbikmi miphun hriamtlai phu an si.

Karen hriamtlai le Kawl ralkap hi hlan zongah fak tukin ral an rak thawh caah Karen miphun ting 10 dengmang nih nunnak kawl in an innlo an zaamtak i Thailand ramri ah kum tampi ralzaam dirhmun in an i dor.

- Advertisement -