Hpakant peng, Aung Ba Lay khuate pawng um Tangaung tlang ah a ummi ralkap sakhan pakhat cu Kachin ralkap KIA nih a tuk i a lak.

“April 18 zaanlei ah ralkap sakhan cu kan lak” tiah KIA lei in nawl ngeitu pakhat nih a chim.

Ralkap nih KIA he an i kah lio ah miakpi in a kah hna caah khuami pawl cu thinphang in a him lai ti an ruahnak hmun ah an zaam hna.

“Miakpi in pehzulh in ralkap nih an kah. Atu cu tlawmpal te a dai deuh cang. Kan tih tuk i kan dihlak in kan i thup/zaam hna,” tiah khuami pakhat nih a chim.

Mohnyin peng ah a ummi KIA ralkapbu (8) cu ralkap nih April 18 chun suimilam pakhat hrawngah vanlawng in bomb in a kah.

Ralkap nih vanlawng in bomb voi 2 tiang a thlak i meithal zong in a kah hna. – Kachinnews