14.7 C
Hakha
Wednesday, October 20, 2021
- Advertisement -

Ṭial Tharmi

KIA nih ralkap sakhan 2 an chuh hna

Kachin hriamtlai phu KIA nih uknak firtu Myanmar ralkap sakhan 2 an chuh rih hna, tiah kan theih.

Zahan zaanlei 5pm in Kachin state, Hpakant peng Ginsi Mare khuate pawng ah KIA le Myanmar ralkap an i kah hnu ah KIA nih sakhan 2 an chuh hna hi si.

Ginsi khuate nichuahlei meng 8 hrawng um Nam Jan khuate ah a ummi ralkap sakhan pakhat le Ginsi khua in meng hla ah ummi Tang Gau Bum ralkap sakhan cu KIA nih an chuh hna, tiah khuami pakhat nih a chim.

“Zahan zaanlei 5pm hrawngin an i kap. Meithal thawng le miakpi thawng kan theih. Zaan khuadei an i kap. An daih caan zongah suimilaam 1 chung hrawng lawng an dai.

“Atu cu ralkap sakhan 2 an chuh cang hna i hmun dangah an i kah ṭhan lio asi,” ati.

Atu cu Gai Da Bum le Tang Gau Bum tlang um Catholic thlacamnak pawng le Ginsi Hall khuate um ralkap sakhan chuh rih dingin an kah cuahmah hna lio asi.

Uknak firtu Myanmar ralkap nih KIA umnak hmun 3 cu miakpi in an kah cuahmah ve hna. — Kachin News Group

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -