Kachin Independence Army (KIA) nih Kachin state, Shwe Gu peng i Kyauk Kyi khua palek sakhan cu tuni deihlan sml 3:00am hrawng ah a kah.

Palek sakhan i meithal le thilri pawl a lak hna. Cun, palek sakhan bawi pakhat meithal in a phei ah an hliamh. Palek lei an thih/lo hngalh a si rih lo.

March 28 zong ahkhan KIA nih Kachin state chung um palek sakhan hmun 4 hrawng a kah. Hpakant peng, Hpawa khuate pawng um palek sakhan a kah i palek 20 hrawng an thi.

KIA nih meithal le thilri tampi a lak.

Sangkha khuate pawng ah a ummi Hpawahtake palek sakhan zong an kah i palek thimi le hliam tongmi an um len.

March 25 zong ahkhan Kachin state thlanglei Dawphoneyang ah KIA le Kawl ralkap an i kap i KIA nih an sakhan a lak khawh.