KIA le ralkap an i kah caah khuami 200 hrawng an zaam

- Advertisement -

Kawl ralkap le Kachin ralkap (KIA) cu March 15 zaanlei sml 5:15pm hrawng ah an i kap i khuami 200 hrawng nih an innlo an zaam tak.

Kawl ralkap le KIA cu Kachin state, Injangyang peng um khuate 4 ah an i kap i khuami 200 hrawng an zaam.

A zaammi lakah kum 100 tarnu le thla 1 tling rih lomi bawhte zong an i tel.

“An i kah lio ahcun ramtang ah kan riak. Zaan khuadei meithal kah thawng kan theih. Zingka ah thawngpang ngai in tilawng in Myitkyina peng, Tanphaye tiva lei in kan rak zaam,” tiah khuami pakhat nih a chim.

Nain, ralzaam tam deuh cu Myitkyina peng ah a ummi ralzaam camp ah dor dingin an i thawh nain ralkap nih Tanphaye gate in an kham hna.

“Ralkap nih gate an kham caah Tanphaye biakinn chungah kan i dor rih ko hna,” tiah khuami pakhat nih a chim.

Kawl ralkap le KIA i kahnak ah khua chungah miakpi a tla ko nain khuami a thimi le aa hliammi cu an um lo.

Ralkap nih uknak a lak hnu in March 11 thok in Kachin state chung ah ralkap le KIA biatak tuk in an kap. – Myikyina News Journal

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...