Kachin state, Mohnyin khuami pawl cu Kachin Luatnak Ralkap (KIA) le uknak firtu Myanmar ralkap nih ca an pek hna.

KIA nih Mohnyin khuami ca a pekmi hna cu, “March 29 zaanlei 4:15pm ah ralhrang bu a simi uknak firtu ralkap nih KIA cu mithar na auh hna, porter na phorhter hna, ralhrang na si a kan ti.

“Mipi umnak khua pawl kah a timh hna caah, nan inn pawng ah bomb i vennak khor co ulaw facang, meilah, payawngdan, khohsuai ro, tbk tirawl i chiah cia uh tiah kan in forhfial hna,” ati.

Uknak firtu ralhrang bu Myanmar ralkap nih cun, “Nai hrawng cu ralhrang KIA hi ralkap thazaang in biatak tein a cawlcang i khua chungah NLD ṭanh sandahpiahtu pawl he i fonh in ralkap nih porter an phorhter hna tiah bia chokvai an ser.

“Nai hrawng cu KIA nih a minung thazaang ṭhawnternak caah ralkap kan um lonak khua pawl ah lut in KIA lut dingin hramhram in minung a tlaih cuahmah hna.

“Cucaah, ralkap nih KIA kan kah tikah hliam nan tonnak hnga lo KIA umnak hrial uh,” tiin a pek ve hna.