Khuaci an mui: US Meikang nih Minung 33 a Thah Cang Hna

- Advertisement -

US ram nitlaklei ramlak meikang nih khua tampi ut dihlak in a kangh cang hna. Atutiang ah minung 33 a kangh thah cang hna.

Oregon state ah minung 10 an thi, California state ah 22 an thi i Washington state ah 1 a thi.

COVID-19 pulrai lak, US sipuaizi tlak lak le miphun thleidan sandahpiah lakah hi bantuk aa buathua cu mipi caah khuacimui taktak asi ko. Oregon state khualipi Portland lebang ahcun ni 100 leng bak sandah an piah cang i an buai taktak.

Atu hi Oregon state um khuate tampi cu ciam dihlak in a kangh hna. Mitlau Kawl le Khamhtu pawl nih uico fim i hruai in mitlau an kawl cuahmah hna.

Oregon state cu meikhu nih a zual dih hnik cang. Minung ting tampi nih inn an zaamtak.

Portland khua pawng meikang ruangah a inn a zaamtakmi Danielle Oliver nih, “sandahpiah mi an um, COVID-19 pulrai asi rih, atu meikang aa buathua rih. Mah pin khuacimui hi um ti lai maw?” tiah lungrawk taktak in a chim.

Mei a Mit, Kaakip ah a Rawkralmi Lawngte, Meikhu a Khat, Thawh Dawp Khawh a Si Lo

A thimi lakah, California state um Berry Creek khuami Millicent Catarancuic zong aa tel ve. A inn pawng a motor pawngah a ruak in an char.

A motor chungah a uico le chizawh pawl a chiah dih hna i zaam dingin aa ready cang.

Nain thli a dai i meikang zong khatlei ah a kal thluahmah caah aa let. Ruah lo piin thli hran ning aa thleng i meikang nih a hun rat hnawh colh. A ran tuk caah a zaam manh lo. A saṭhil he a nunnak liam.

Oregon state Mill City um George Coble cu zeizong vialte a sung dih cikcek – a inn kangmi lakah a dir lio

George Coble cu a ngeihmi vialte ciam dihlak in a kaang. Hruang saknak company, inn 4, 1967 Mustang telh in an chan lio cio ah a rak larmi motor aa chiahmi pawl zong ciam dihlak in an kaang.

“Ruahchannak he a hramthok in rianṭuan ṭhan kan hau ko. Kan mipum him tein kan zaam manh caah Pathian cungah kaa lawm,” ati.

Mill City khua pawng um Erik Tucker nih, “kan khua a kang dih ve. Mei a mit, kaakip ah a rawkralmi lawngte, meikhu a khat dih, thaw dawp khawh zong asi lo, meikhu lakah vutcam aa cawh dih,” ati.

Meikang aa Thok Ning

Hruaitu, ahlei in Democrats pawl nih cun “khuati aa thlen ruangah asi, khua a linh chin lengmang caah asi. Khua a linh tuk ruangah amah tein meikang hi aa thok …” an ti.

FBI le palek nih “minung nih khanghmi asi/lo” an hlathlai cuahmah ve nain atutiang ah tehte an hmu ve rih lo.

Buaihmang sandahpiahmi (antifa) pawl nih an duahmi si, tiah bia chokvai a leng nain FBI nih “antifa duahmi asi ti hi tehte kan hmu kho rih lo …” an ti.

California le Oregon states ahcun meikang ruangah thli a thur tuk i liamcia kum 35 chungah atu hi a thur bik si.

California Governor Pu Gavin Newsom nih, “Trump nih khuati thlen a doh lo caah khua a lin chin lengmang i mah thil hi a chuak … ” ati.

President Trump nih, “nitlaklei states cozah pawl nih tupi zohkhenh an thiam lo caah meikang hi a chuakmi si,” ati ve.

Follow US

102,147FansLike
53FollowersFollow
731SubscribersSubscribe

Ṭial Tharmi

Malaysia biaceih zung nih kum 5 a fa pate a that tu nu le a tlangval pa thihdan a pek hna

Tuni ah Penang High Court nih kum 5 a fa pate a rak thattu hringtu nu le a tlangval pa cu hri...

Myanmar National Team ah ai tel mi Valte

Valte hi Kalymyo um Falam mi a si. 2010 kum ah Kalaymyo certual ah kan i hmu. Cu...

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.
- Advertisement -