Khrihfa hi vawlei cungah hrem bikmi kan si

- Advertisement -

Washington – Vawlei cung ram tampi ah biaknak dang an hrem chin lengmang hna, i a zual lei a panh chin lengmang, tiah Christian Broadcasting Network (CBN) nih a phuan.

Khrihfa pawl hrim cu an hrem hna ning a fak tuk.

“Vawlei cungah Khrihfa hi hrem a tong bikmi biaknak an si, i a zual chin lengmang,” tiah Ramdang Biaknak Zalonnak kong hlathlaitu US Bu (USCIRF) riantuan Gary Bauer nih CBN sinah a chim.

Ramdang ah biaknak zalonnak a um khawhnak hnga President Trump nih special ruahnak petu i chiah law biaknak dang a hrem bikmi ram pawl hi phihkhamnak tuah hna, cun biaknak kip nih an biakinn an i ven khawhnak hnga US Ramdang Vuanci Zung nih a bawmhnak hna ahhin tangka tam deuh chuahpiak, tiah USCIRF nih President Trump acozah a hal.

“Security um lo caah Khrihfa biakinn hi ralhrang nih an ral tuk. Khrihfa biakinn a him deuhnak hnga US cozah nih ramdang cozah palek le biakinn pawl hi tinttan pek bawm hna seh ti kan duh.

“Vawlei cung ram tampi ah mi tampi cu an biaknak ruangah ‘thih ri nun ri’ ah an um,” tiah USCIRF nih cathanh a chuah.

USCIRF nih report an chuahmi ah khuazei ram dah biaknak dang a hrembik ti fiang tein hmuh khawh asi.

Vawlei cungah biaknak dang a hrem bikmi ram hna cu;

  • Burma (Myanmar),
  • Central African Republic,
  • China,
  • Eritrea,
  • Iran,
  • Nigeria,
  • North Korea,
  • Pakistan,
  • Russia,
  • Saudi Arabia,
  • Sudan,
  • Syria,
  • Tajikistan,
  • Turkmenistan,
  • Uzbekistan le
  • Vietnam ram hna hi an si. Biaknak dang pawl an tuahto hna ning hi tuksapur taktak asi.

USCIRF rianttuan Gary Bauer nih, “China nih biaknak dang pawl a hrem chin lengmangmi hna hi ka thinphang taktak, China cu thil a ti kho tukmi asi caah ka thinphan khunnak asi.

“China cu vawlei cungah a hung tthawng chin thluahmah. Kum fatin a ram rum chin lengmang, a ralkap a karh chin thluahmah. Vawlei cung pumpi hip dih ai tim, i a kalnak ram paoh ah biaknak dang hrem cu aa kalpi chih peng,” tiah CBN sinah a chim.

Acunglei kan langhtermi ram hna tluk dengmang in biaknak dang a hrem vemi ram pawl cu;

  • Afghanistan,
  • Azerbaijan,
  • Bahrain,
  • Cuba,
  • Egypt,
  • India,
  • Indonesia,
  • Iraq,
  • Kazakhstan,
  • Laos,
  • Malaysia le
  • Turkey ram hna hi an si.

Turkey hoi hna nih cun American pastor Andrew Brunson cu kum 2 chung dengmang thong a thlak caah a thawngpang nih vawlei pumpi a hninh dih, ni kum October ceo ah a thlah.

“Cozah nih a hrem hna pinah, rammi sawhsawh nih an hrem chih hna i cutin a hremtu pawl cu cozah nih dan a tat hna lo, a zoh sawh ko hna.

“Minung cu zei bantuk biaknak kan biak zongah kan biakinn chungah thinphang in kan um awk si lo ti hi kan zumhning asi,” tiah USCIRF riantuan Tony Perkins nih a chim ve.

Follow US

102,148FansLike
53FollowersFollow
731SubscribersSubscribe

Ṭial Tharmi

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.

Mara nih VP Pu Henry Van Thio sinah hitin ca an kuat

CNLD candidate simi Saya Rung Kaw nih naite Mara ram a tlawn lio ah an lam sul le mipi thinlung a hmuh...

Hakha rawl dawr ah tthut khawh si ti lo

Hakha khuapi ah Covid-19 vennak caah zawtnak karh a fawinak rawl dawr le lakphak dawr pawl ah tthut in ei khawh si...
- Advertisement -