16.3 C
Hakha
Thursday, June 17, 2021
- Advertisement -

Ṭial Tharmi

Khrihfa cu Coronavirus nih a teih hna lo titu Pastor David Lah tazacuai tong

“Khrihfa cu coronavirus zawtnak nih a teih hna lo…” tiin thawngṭha a chim lio online ah a tartu Pastor David Lah cu zawtnak a ngeih cang pinah minung 3 he tazacuai a tong chap rih.

March 13 thok in ‘minung tampi nan i pum lai lo…’ tiah cozah nih nawl a chuahmi an zulh lo ruangah palek nih Yangon Palek Sakhan 2 taza an cuai hna hi si.

Yangon ramṭhen Mayangone penguk bawi U Ye Win Aung nih, “April thla thok ah Pastor David Lah nih khrihfa pawl a pumhpi hna caah amah telh in aa pummi minung 20 hrawng zawtnak an i chawn,” tiah a chim.

Taza an cuaimi hna cu;

  1. Pastor David Lah,
  2. Pastor Saw Kwe Wah,
  3. U Saw Ray Gandi le
  4. U Wai Tun an si.

Biaceihzung nih an sualnak a hmuh hna ahcun kum 1 tiang thongthlak an tong kho.

Vawlei cung ramkip ah coronavirus zawtnak in minung 2 million deng an zaw cang i 130,000 deng an thi cang.

Khrihfa le Muslim i pumhnak hmun in zawtnak tambik a karh.

Myanmar ram zongah zawtnak ngei hmuhmi dihlak 74 an si cang.

Pastor David Lah nih March thla dongh lai ahkhan, “Jesuh nan zumh taktak ahcun, coronavirus zawtnak nan ngei lai lo tiah aamah ka khan,” tiin online ah sermon a tar.

Kan hngalh awk a simi cu, Pathian a zummi paoh zeitik hmanh ah an zaw lai lo i an thi lai lo tinak asi lo. Zei tluk Pathian na zumh zongah na zawt caan le na thih caan um ko lai. Cucaah ngandamnak lei thiamsang nih an chimmi le cozah nih nawl a chuahmi cu zulh khawh i zuam cio usih.

Bible [Rom 13:1-2] zong nih, “cozah nawl zul uh, zeicatiah cozah cu Pathian nih a thimmi si. Khuazei hmanh ah Pathian thim lomi cozah a umlo. Cucaah a umnak ram upadi a zul duh lomi paoh cu Pathian nawl a zul duh lomi an si, i dantatnak nih a zulh hna lai,” tiin a kan cawnpiak.

Ref: The Irrawaddy English le Reuters

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -