Kelantan state lahwahkah lawng nih atu tiangah Kawlrammi 243 a tlaih cang hna

- Advertisement -

“Tu kum thok ka in atu tiangah Kelantan state i hmun 337 ah tlaihkhihnak kan tuah i phungninglo ramdangmi 930 kan tlaih cang hna,” tiah Kelantan state lahwahkah bawi Siti Khadijah Hamzah nih a chim.

“Kan tlaihmi hna cu Bangladesh rammi 290, Myanmar rammi 243 le Indonesia rammi 153 hna an si.”

“Cun, Malaysia lahwahkah nih August 1 in December 31 tiang tuah timhmi ‘Back for Good’ in an ram ah tlun a duh i kanmah sin (Kelantan state lahwahkah zung) a rak sokmi 97 an um.”

“An ram kir dingin form a rak apmi pawl cu Bangladesh, Pakistan le Indonesia hna an si.”

Malaysia nih Kawlrammi telhin ramdang nu 39 a tlaih hna

“Malaysia ram ah a ummi anmah ram tanzung cio ah passport le a herhmi cahnah pawl lak dingin kan fial hna. Cun, lahwahkah zung an rat ah an ram tlunnak vanlawng ticket le dantatman RM700 i put chih ding in kan chimh fawn hna. An i lim dih hnu ni 7 chung ah an ram ah an tlung lai,” tiah Siti Khadijah nih a chimchap.

Malaysia cozah nih tu kum thok in khan atu tiang, nifatin ti awk in ramchung ah tlaihkhihnak a tuah i phungninglo ramdangmi a thongthong in a tlaih cang hna. Phungninglo ramdangmi tam deuh cu passport nithla a dih tiang a ummi le phungninglo in Malaysia ram ah a rak lutmi (zei catlap hmanh ngei lomi) an si hna.

Tlaihkhihnak cu lahwahkah le palek i bawm in rianttuannak hmun (rawldawr, innsaknak, sehzung, tbk,.), tlangtlawng station, bus station le minung umnak inn pawl ah an tuah.

An i tinhmi cu an ramchung ah phungninglo minung zorter kha si.

Malaysia ram ah phungninglo in a ummi tambik hi Indonesia, Vietnam, Bangladesh, Nepal le Myanmar hna an si.

Follow US

102,157FansLike
53FollowersFollow
734SubscribersSubscribe

Ṭial Tharmi

Chin Ralzaam caah FREE in Cancer Zawtnak Thlop Khawh Si Cang

A ra laimi October thla ah UNHCR card/catlap le community card a ngeimi ralzaam pawl hna caah Alliance of Chin Refugees (ACR)...

Vum Thu Maung certual sakmi 65% an lim cang

Chin khualipi Hakha um Vum Thu Maung Certual i puai zohtu mipi ṭhutnak cu Chin State Cozah budget ting thong 6 le...

Kawlram ah Covid-19 zawtnak ngei hmuhmi 9,000 leng an si cang

Ngandamnak Vuanci Zung nih tuzaan sml 8 i thawngthanhnak a tuahmi ah Covid-19 zawtnak ngei hmuhmi 9,112 an si cang.

Malaysia ah Covid-19 mizaw thar 111 an hmuhchap hna

Tuni Malaysia ram ah Covid-19 zawtnak ngeimi 111 an hmuhchap hna. Zarh khat chungah mizaw a zaleng an hmuh hna hi voi...
- Advertisement -