16.3 C
Hakha
Sunday, August 1, 2021
- Advertisement -

Ṭial Tharmi

Kawlram tangka vialte Aung San mui cuang in an ser cang hna lai

Myanmar Central Bank nih atu lio Kawlram ah an hmanmi tangka tlap dihlak cu ralbawi Aung San mui a cuangmi in chuah a timh.

Nizaan ahkhan Naypyidaw ah a ummi Thawngthanhnak Vuanci Zungah cozah nih mipi ca kum 4 chung a ttuanmi kong thawngthanhnak a tuah lio ah Central Bank vice governor U Soe Min Naing nih atu bantuk hin a chim.

“Atu lio kan hmanmi tangka pawl cu a changchang in kan print thluahmah hna lai. October thla chungah kan lim lai maw ti cu kan print ning ah aa hngat (mutti). Tangka tlap vialte cu ralbawi Aung San mui cuang in kan chuah lai,” tiah U Soe Min nih a chim.

Atu lio hmanmi tangka tlap lakah 1,000 ca pawl cu Aung San mui cuang in 2020, January 4 ahkhan an thlen i January 7 in mipi sinah an phak ter.

Aung San mui cuang 1,000 ca pawl cu Central Bank nih a phawtzamh cang ko nain mipi nih hmang sianglo in an i fim caah a choklet kho lo. Cucaah, tangka tlap vialte cu Aung San mui cuang in chuah dih an timh hi a si.

Kawlram chungah hmanmi 10 ca, 50, 100, 200, 500, 1,000, 5,000 le 10,000 ca telhin tangka tlap phun 14 cu Aung San mui cuang in hman a si cang lai nain tangka zeizat dah an chuah lai ti cu Central Bank nih a chim lo.

NLD party in Myaing MP U Aung Khin Win nih hmailei ahcun tangka tlap ah Aung San mui cuanter ding a si tiin 2017 November thla ah tuahmi pyithu hluttaw meeting ah ruahnak a rak chuahpi.

Hi lio ahhin vote thlaknak an tuah i Ralkap MP le USDP MP pawl nih cun an duh lo nain hluttaw ah NLD MP an tam deuh caah fehter a si. – The Irrawaddy Burmese

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -