Kawlram minta Lin Let Hein cu pawngkam ah a buai i sangbawi le palek fahnak a pek hna ruangah sualnak phun 2 in taza an cuai. October 17 ah Thingangyun palek sakhan ah amahkhan Kyats ting 50 in a chuak.

Lin Let Hein cu September 19, 2019 zinglei sml 5 hrawng ah Thingangyun peng, Sethein sang ah nam i put i a buai i mipi nih palek sinah thawng an thanh. Palek nih tlaih an timh nain Lin Let Hein nih nih nam aa putmi cu a chia duh lo i sang bawi pa a velh. Cun, palek pakhat cerep in a sawh.

Cu ruangah, palek nih Lin Let Hein cu a taitang (ke silole phai) ah meithal in voikhat an kah.

Lin Let Hein cu September 19 ah an tlaih i October 3 ahkhan Thingangyun peng biaceih zung ah an chuahpi. October 17 ah biaceih zung ah an chuahpi tthan hnu ah aamahkhan in an chuah hi a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.