Myanmar ram in Malaysia lei ah phungningloin kal aa timmi Rohingya 12 cu May 19 zaan ah Thailand palek nih Mae Sot peng ah an tlaih hna i tazacuai an si lai.

Rohingya pawl cu Rakhine state, Sittwe khuapi in a rammi an si i ngakchia 2 (kum 3 pate le kum 9 nute) zong an i tel.

Rohingya 12 cu Mae Sot peng, Tha Sai Luat sang ah a ummi inn chung ah Thailand palek nih an tlaih hna.

Puaisa nih Malaysia kalnak ah Thailand tangka 140,000 baht an hauh hna i Kawlram tangka 5,500,000 an liam chung.

Mae Sot khua an um chung ah Thailand rammi Roh (kum 47) le Mongkol (kum 38) nih an umpi hna i an zohkhenh hna. Roh le Mongkol zong Thailand cozah nih phungninglo ramdangmi nan ven hna tiin an tlaih hna i taza an cuai ve hna.

Rohingya 12 cu dantat an si hnu ah Myanmar ram ah kan kuat tthan hna lai tiah Thailand nawl ngeitu nih an thanh.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.