Kawlram hrawktu U Ne Win, US a tlawn hmasa bik ni

- Advertisement -

Yangon — Amah duhning paoh in Myanmar ram a rak uktu ralkap bawizik U Ne Win cu hramhram in cozah a pawnchuah (coup) i ram hruaitu a ttuan kum 4 hnu, 1966 September 7 ah US a rak tlawng. September 18 tiang a caam.

Avoi 5nk US a tlawn si nain, ram hruaitu dirhmun in avoi 1nk a tlawn si, a donghnak a tlawn zong asi. Avoi 1nk bik a tlawn cu kum 1950 ah asi.

Myanmar Luatnak caah le ramdang he i huat lonak caah naa zuammi hi kan in ttanpi tiin US cozah nih a rak sawm caah a tlawnmi asi.

US President Lyndon B. Johnson le UN Secretary General U Thant (Myanmar rammi) nih an rak don.

Zapi sin thawngthanhnak an tuah ning ahcun, US President nih ‘ramdang he i huat lo ding’ timi Burma ramdang policy aa fian ning kong a rak chim. Cun, ram 2 mipi caah thil ttha a chuahnak hnga le ramkip i theihthiamnak le daihnak a len khawhnak hnga US le Burma i hawikomhnak tthawnter chinnak kong an rak ceih, ti asi.

President Johnson le U Ne Win cu ‘anmah 2 te lawng’ in chawleh tthanchonak le Myanmar ram ah chanthar fimthiamnak in cinthlaknak tuah kong biaruahnak an rak ngei.

U Ne Win le a nupi Daw Khin May Than cu US President Inn (White House) le UN headquarters le piahttaih hna zongah an rak leng. Hmun dang tampi zongah an rak leng.

US President le a nupi cu U Ne Win le a nupi nih laksawng ah ‘thinghak in sermi coffee cabuai, tthutden 4 le lakphak dinnak set 1’ an rak pek hna.

Johnson le a nupi nih U Ne Win cu laksawng ah ‘kohti le tuknak thilri set 1’ an rak pek ve. U Ne Win cu kohti tuk a rak zuam taktakmi asi. US President le a nupi nih Yangon um nan fale caah tiin ‘cabuai tohmi suimilaam, hla album le hla ngaihnak’ zong an rak pek hna.

U Ne Win cu Myanmar a kir hnu ah, US cozah cu media nih bia an hal i “tlaih a tongmi Myanmar Prime Minister U Nu kong cu kan i ceih lo” tiah US cozah nih a rak leh hna.

Mah hlan kum 4 ah U Ne Win nih hramhram in cozah a pawnchuah (coup) i cozah lutlai a rak simi U Nu cu thong a thlak. US a tlawn lio ahhin U Nu cu thongthlak a rak si peng rih.

Ṭial Tharmi

Thantlang ah Vok zawtnak in vok 1,360 an thi cang

Thantlang khua ah inn zuatmi vok pawl cu Porcine Circovirus Type-2 (PCV-2) zawtnak ruangah an thi hna i April 20 in August...

Myanmar cozah nih ramdang ah aa tapmi a rammi 10,000 leng a lak cang hna

Myanmar cozah nih ramdang ah aa tapmi a rammi pawl cu vanlawng in a lak hna i August 12 zaan tiangah minung...

VP Pu Henry Van Thio: Tedim khua district ngahnak kong cu President biakhiahmi ah aa hngat

Myanmar Vice President Pu Henry Van Thio nih Tedim khua district ngahnak kong cu Myanmar President biakhiahmi cung ah aa hngat...

Malaysia ah Covid-19 mizaw thar 15 an hmuhchap

Tuni ah Malaysia ah Covid-19 zawtnak ngeimi 15 an hmuhchap hna i zawtnak ngei hmuhmi dihlak 9,129 an si cang.
- Advertisement -