Alliance of Chin Refugees (ACR) Chairman James Bawi Thang Bik nih, “Kawlram CDM caah Malaysia in atutiang ah RM105,586 (Kawlram ting 314) kan kuat khawh cang,” tiah a chim.

James le Malaysia mino hna nih Kawlram ralkap duhlo langhternak (CDM) bawmhnak caah tiin Malaysia um Chin mipi sinah chaw an kawl i hi zat an kuat khawh hna hi si.

Tangka cu Hakha CDM hruaitu lakah aa tel vemi Dr. Cung Pi sinah an kuat.

James: Kawlram CDM caah Malaysia in  a tu tiang ah RM 105,586 kan kuat kho cang. Mah kan kuat nak ah a kuat man a dih mi hi RM 305 a si. Kawlram tangka in ting 314 MMK a chuak.

Mah chung ah hin ting 5 MMK hi kawlram lei direct in kan kuat mi a si I a chuah an nih har tuk caah ting 309 MMK hi India lei in indirect in Hakha CDM committee, Dr Cung Pi te sin ah kan Kuat. 

A cung lei tangka zat hi Rupee in MMK ah an tleng hnu ah thawng an rak kan thanh mi ning tein kan rak langh ter mi a si.  An mah nih Township pa 9 ning tein an phawt dih te lai tiah thawng thannak tuah kan in duh hna. 

Thaazaang a chuah tu le a pechan tu nan dih lak cung ah ram le miphun caah Pathian nih thlawchuah In pe chin ko hna seh.