16.4 C
Hakha
Sunday, July 25, 2021
- Advertisement -

Ṭial Tharmi

Kawlram ah sianginn dihlak khar chung an si rih lai

Myanmar ram ah Covid-19 zawtnak a karh tuk ruangah cozah le private high school tang sianginn vialte cu August 27 thok in khar chung an si rih lai tiah Fimcawnnak Vuanci Zung nih thawng a thanh.

Basic Education Zung i Deputy Director General Dr Tin Maung Win nih, "Thaizing zingka thokin ram pumpi ah onmi cozah, phungki le private high school vialte (6,526) cu khar chung an si hna lai.

"Atu lio kan ton cuahmahmi Covid-19 kong cu nan theih dih cang bantuk in ttihnung dirhmun kan phan cang. 

"Kan ram ah avoi khatnak bik Covid-19 mizaw an hmuh ni March 23 in thinphang in kan um hna. Nain, atu hi a let tampi in ttihnung deuh. Covid-19 mizaw he chawnhbiaknak um loin Covid-19 zawtnak ngeimi an um ruangah ralrin hau taktak dirhmun kan phan. Cu ruangah, highschool vialte kan khar dihnak hi a si" tiah a chim.

Myanmar ram pumpi ah Basic Eduacation High School dihlak 7,173 a um i naite ahkhan 6,500 leng sianginn on a si. A tangmi sianginn pawl cu tu thla dih in on timh an si nain Covid-19 nih a khoh 2nk a den hna ruangah cozah nih sianginn vialte khar chung rih dingin nawl a chuah hi a si.

Myanmar ram ahcun June thla in sianginn kai thok a si tawn nain Covid-19 ruangah tu kum cu July 21 lawng in sianginn kai an thok khawh.

Sianginn on a si hnu zongah khat le khat hlat piin um a hauh caah khan chungah siangngakchia tlawm deuh in chiah an si.

Siangngakchia pawl cu a phu in an tthen hna i zing, zan, chun le a zarh tibantuk in sianginn kai chanter an si. Atu ahcun sianginn khar chung a si rih lai.

Rakhine state, Sittwe khua ah a ummi CB bank rianttuan nu (Case-375) cu Covid-19 mizaw he an um ttilo pinah hmundang ah khual zong a tlawng lo nain Covid-19 zawtnak a ngei tiah August 16 ah Ngandamnak Vuanci Zung nih thawng a thanh.

Cutin, Sittwe khua ah khat le khat Covid-19 zawtnak an i chawn hna i atu hi Myanmar rampi a cul dih ti awk si cang.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -