Kawl Ralkap nih Thlanrawn khua inn 6 an khangh chap

- Advertisement -

Kawl Ralkap pawl nih Falam le Hakha kar um Rialti khua inn vialte an khangh dih pinah, tu zingka ah Thlanrawn khua inn 6 an khangh chap.

Rialti khuami pakhat nih, “Minung a thimi le tlaumi cu an um lo. Kan zaam lio ah thilri tlawmte lawng kan i zaampi khawh. Inn chung thilri vialte an khangh chih dih. Inn zuat saṭhil zeitin a um cu kan hngal kho rih lo. An thah ei ko hna lai dah,” tiah a chim.

Rialti khua ahhin minung umnak in 10 le um lonak inn 1, kudaung 1 le baptist biakinn 1 an um. A dihlak in ralkap nih an khangh dih.

Tu zingka 11am hrawngah Rialte khua lonh Thlanrawn khuathar ah inn 6 an khangh hna.

Thlanrawn khua inn 6 an khanghmi

“Thlanrawn khua lonh ahhin kahdohnak a um,” tiah khuami nih an chim.

Falam khualu ummi Kawl Ralkap pawl nih kahdohnak a umnak hmun cu hriamnam ngan 122mm in voi 3 an kah.

“Hriamnam ngan an puah caah Falam khua ningpi in aa hnin dih,” tiah Falam khuami nih an chim.

Tu zingka 9am hrawng ahkhan Mindat khua cung ah Kawl Ralkap vanlawng 1 a hung zuang. Matupi khua lei ah a lan.

Ref: Zalen

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...