An sualnak hmuh lo ruangah biaceihzung nih nizaan ah a thlahmi Chin mino 4 cu tuni ah ralkap nih an tlaih ṭhan hna.
Chin ram, Paletwa thong ah thla 5 chung an thlakmi Chin mino 4 hna cu nizaan ah biaceihzung nih an sualnak um lo tiin a thlah hna nain tu zingka 10am ah an tlaih thongthlak ṭhan hna.
“Nizaan ah an ra chuak kan Chin phung in puaite zong kan tuahpiak hna. Tu zingka ah palik sakhan nih a herhmi um caah ra uh ati hna i an kal ṭhan. An ṭin ti lo.
“Kan hal hna tikah, thong an rak thlak ṭhan cang hna. An sual lo tiin biaceihzung nih thlah canmi zei ruang dah an tlaih ṭhan hna hnga kan hngal bak lo. Chim awk zong kan hngal lo,” tiah an chungkhat nih an chim.
An tlaihmi hna 4 cu;
- Aik Tun Min (hlasa)
- Aik Tun Min (company ngei)
- Aik Tun Min (Tittaw) le
- Aung Tun Soe an si.
Ref: Khumi Media
