Tuni 11am hrawngah ralhrang Kawl Ralkap nih Thantlang khua inn 11 leng an khangh hramhram.
Hohmanh mei thattu an um lo caah mei cu a lawn/tlaan thluahmah.
Thantlang khuami 10,000 hrawng cu an dihlak in September thla ah an zaam dih cang.
Thantlang dawr baoh in thil a firmi Kawl Ralkap pakhat CDF nih an kah thah hnu ah Kawl Ralkap nih hitin inn an duah hi asi.
September 18 zongah inn 19 leng an khangh cang.
Inn duahtu ralkap bawipa hi LIB 269 hruaitu Lt. Col Thaung Hlaing asi. Atu lio Thantlang khua ah ummi ralhrang Kawl Ralkap phu LIB 269, LIB 222 le LID 11 vialte a hruaitu asi.
Thantlang ummi Kawl Ralkap pawl nihhin khua chungah mi inn le dawr baoh in thil an firpiak peng hna.
