16.4 C
Hakha
Thursday, July 29, 2021
- Advertisement -

Ṭial Tharmi

Kawl Ralkap nih Rakhine pa thi lakin an kah: khuami

Tu zingka ah Kyauktaw peng Kar Di khuate ah Kawl Ralkap nih khuami pakhat thi lakin an kah, tiah khuami nih an chim.

Ah Pauk Wa khuate mi U Soe Naing, kum 40 cu a motorcycle in Kyauktaw kaa-kaih ah a kal i Kar Di khuate a phak ah Kawl Ralkap nih thi lakin an kah.

Kar Di khuami U Kyaw Hla Phyu nih, “U Soe Naing cu Kyauktaw ah rianṭuan dingin a kal. Zei ruang dah an kah ti cu kan hngal lo. A ruak cu atu hi Yangon-Sittwe highway lamkam ah a um rih ko,” tiah a chim.

A hmun ah Kawl Ralkap Division 22 an thlah hna caah a ruak cu ṭhial khawh si lo, tiah khuami nih an chim.

A kaltakmi a nupi Daw Nyo Nyo Saw nih, “ka vapa cu Kyauktaw um Laywadi kaa-kaih ah thil thlak rianṭuan dingin tu zingka 5am ah aa thawh. A ruak ka hmuh rih lo caah zeitin dah a thih ti ka hngal rih lo,” tiah a chim.

Mahka hmun cu AA le Kawl Ralkap an i kahnak pawng si caah April thla thokin 9pm in 5am tiang Kawl Ralkap nih curfew an tuahmi si.

Rakhine um Kawl Ralkap aiawh biachimtu Colonel Win Zaw Oo nih, “mahka hmun cu curfew tuahmi asi i ralkap nih an congh peng. Khuami nih nawl kan chuahmi an zulh herh. Check duh in ‘dir’ an ti hna ahcun an dir hrim hau. Dir uh an ti hna tikah an dir duh lomi hi ka fiang kho bak lo,” tiah a chim.

Zahan zingka deihlan 1am zongah Kalandan tiva cungum Kawl Ti Ralkap nih Mee Wa khua ah miakpi in an kah i khuami 5 hliam an tuar. Sittwe Sizung ah an kalpi hna. Inn tlawmpal le Buddhist siangin an rawk.

Rakhine state Hlutdaw ah Mrauk-U peeng MP a simi U Tun Thar Sein nih, “Kawl ralkap le AA kut in khuami 80 an thi cang i 120 hliam an tuar cang,” ati.

“Ral ruangah miakpi in khuami zeizat dah an thi cang ti hi Hlutdaw nih hlathlainak tuah usih…” tiin biatung zong a dirh.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -