Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal in an kah hna hnu ah an tlaih hna i an hrem hna.
A thluak tlamtling lomi Phaya Sakhan khuami U Man Maung Ha, kum 47 cu Kawl Ralkap nih June 10 ah an tlaih. A kut an leh i an velh caah alu le ke fak tukin hma an hmuah.
A thluak tlamtling lomi Daw Gay Sein Nyein, kum 63 zong a phei le ke ah meithal in an kah, tiah Mindat Mipi Vengtu Phu nih cathanh a chuah.
Kawl Ralkap pawl cu Phaya Sakhan khuate an luh hnu ah Daw Gay Sein Nyein a inn cungah ummi solar an phongh caah “phong hlah uh!” tiin a hro hna i meithal in an kah hi si.
Mah thawngpang cu June 13 lawngah khuami nih an theih caah, mah hlan ni 4 cu an hma thlop loin an rak tuar peng. June 14 ah khuami nih an thlop hna i atu cu an 2 in thinphan awk um ti lo, tiah Mindat Mipi Vengtu Phu nih a thanh.
