18.3 C
Hakha
Monday, July 26, 2021
- Advertisement -

Ṭial Tharmi

Kawl ralkap nih Paletwa peng ah caw 60 leng an thah piak hna

Naihrawng ah Paletwa peng khuate cheukhat ah Kawl ralkap nih khuami hna i an caw 60 leng an thahpiak hna tiah min langhter duh lomi khuami pakhat nih CHRO sinah thawng a thanh.

Paletwa khua ah a ummi Ralkap LID 11 sakhan in ralkap pawl nih a luancia 1 leng chungah Seint Sin, Inkhuwa le Sephalong khuate pawl ah khuami caw 60 leng, maheh le vok cu meh caah nifatin ngawt in an thahpiak hna.

Kawl ralkap pawl nih zeimaw caan ahcun caw pakhat lawng an thah i a sa cu sakhan ah an i kalpi. A caan ah caw 10 tiang an thah i a pheisa, a chungril lawng an lak i a tangmi a sa pawl cu ramtang ah an hlonh tak.

“An duh caan paoh ah an ra i caw cu an i thah. An duh caan ah caw 1 lawng an thah. An duh caan ah caw 10 hna an thah i an duhnak sa tete an i lak hnu ah a tangmi cu khuami caah an chiah tak. A caan ahcun khuami ca ah tiin a dang tein caw 1 an thah. Nain, khuami pawl cu hmundang ah sa zuar nak nawl an pe hna lo,” tiah min langhter lomi khuami pakhat nih a chimchap.

Zeimaw caan ahcun Kawl ralkap pawl nih cuka pawngkam ah a ummi a dang ralkap pawl he i fonh in caw, maheh le vok zong an thahpiak hna.

Caw, maheh le vok thah a tambiknak hi Paletwa khua nichuahlei, Kalandan tiva ral um Ralkap LIB 289 sakhan le Seint Sin khuate kar ah a ummi lei le ramtang ah a si.

Atu bantuk in Kawl ralkap nih an duhpaoh in caw an i thahnak a ruangbik cu cuka pawnghrawng ah a ummi khuami pawl cu tlunkal ri an khiahpiak hna ruangah khuami pawl cu leng an chuak kho ti lo i caw an cawngh khawh ti lo caah a si.

Cuka pawnghrawng ah a ummi khuami pawl cu Paletwa khua ah zarh 1 ah voi 2 hrawng lawng kalnak nawl an pek hna. Cun, an khua ah kal le facang lak zong an sianh hna lo.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -