Chin state, Mindat peng ralzaam hna umnak khuate pawl cu ralhrang Kawl Ralkap nih nizaan June 9 in tuni tiang an luhhnawh hna caah ruahpi sur le thli hrang lakah nunnak kawl in an zaam.
“Ralzaam pawl an umnak khuate lei tiang Kawl Ralkap an luh caah ralzaam vialte an zaam dih,” tiah ralzaam bawmtu pakhat nih a chim.
“Kawl Ralkap pawl cu ralzaam umnak khuate 3;
- Yat
- Pagoda camp le
- Shwe Aung Thar ningin an lut dih.
“Atu hi Kawl Ralkap pawl cu Shit Mwe, Wan Ma Thu le Shwe Dwin Htu tiangah umhmun an khuar.
“Ralzaam pawl cu ruahpi sur le thli hrang lakah an zaam,” ati.
Chin state, Mindat peng cu ralhrang Kawl Ralkap nih ‘tuk lak uk’ dingin nawl a chuahnak hmun si caah kahdohnak a fak tuk i kan unau Chinmi thong 10 (10,000) leng nih an inn le khua an zaam tak cang.
Kawl Ralkap le Mipi/Chinram Vengtu Ralkap (CDF-Mindat) kar kahdohnak a fah tuk caah Kawl Ralkap tampi an thih bantukin CDF-Mindat ralkap zong 22 an thi cang.
Ref: Chin World
