Kawl Ralkap nih Falam pengah biakinn telh in inn 4 an khangh

- Advertisement -

Falam-Hakha lam ah ummi Rialti khua baptist biakinn telh in inn 4 cu tu zaanlei 3:30pm ah Kawl Ralkap nih mei khangh in an kan hrawhpiak, tiah khuami nih an chim.

Rialti khua hi inn 10 fai lawng an um. Falam khua in meng 8 hrawng aa hlatmi si.

Ralhrang Kawl Ralkap pawl cu Lungpi khua lonh ah an motor an dirter i Lungpi khua ah ar, vok, meheh ti bantuk inn zuat saṭhil an hmuhmi paoh an kah thah hna.

Inn an baoh i facang, chiti, cite, tbk an hmuhmi paoh an firpiak dih hna.

Mah hi tu zingka ah Falam in Hakha lei ah motor 10 leng le tank 2 in a kalmi Kawl Ralkap an si.

Rialti khua baptist biakinn telh in inn 4 an khanghmi

Falam peng ahcun tuzaan 5pm tiang ah kahdohnak a um rih lo nain Kawl Ralkap nih duhpaoh in meithal an puah.

CNDF nih mipi ralrinpeknak cathanh a chuah caah tuni ah Lungpi, Rialti, Thlanrawn, Taal le Tlangzar khuami pawl cu nunnak kawl in an zaam dih hna.

Tu zaanlei 5pm ah Falam khua in motor 31 khat tein Kawl Ralkap tam taktak Hakha lei ah an kal. Rang taktak in motor an mongh.

Chuncung khuami himnak caah thlacam cio usih

Tu zingka 11am hrawngah Falam khua in aa thawhmi ralkap pawl dong dingin Hakha in aa thawhmi ralkap motor pawl cu Hakha khua an chuah tlawmpal ah CNF nih an kah hna i ral aa thok. An i kahnak hi Hakha le Chuncung kar ah si.

Hakha lei in ralkap tampi an ra. Falam in motor 40 leng le tank 2 in ralkap 500 hrawng an ra ve.

Atu mah ca kan ṭial lio Kawlram caan 7:45pm tiang ahcun Hakha lei in a rami ralkap zong, Falam lei in a rami ralkap zong Chuncung khua an phan rih lo.

A karlak ah an um lio asi caah an himnak hnga kan umnak cio in thlacam piak cio hna usih.

Tu zaanlei 6pm hrawngah Hakha ah Kawl Ralkap nih bomb an puah.

Tu zingka ah Falam in Hakha lei ah motor 10 leng le tank 2 khat in Kawl Ralkap an kal lio

Ref: Zalen

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...