Kawl Ralkap nih ‘dalan loin’ CDF le PDF an umnak fawi tukin a theih

, ,

CDF le ralzaam bawmtu bu pawl nih cathanh an chuah tikah an phone number an tial tawnmi hi ka siarem lo ngai.

Ralhrang nih Kalay/Sagaing ah PDF sakhan tlawmpal an kah lak cang. PDF nusal/pasal tha tampi an tlaih thah cang hna. Ramtang sakhan lawng asi lo, khua chung innlak zongah an umnak hmun bakah an va tlaih hna.

Zeitin dah an umnak an theih hna? Dalan ruangah maw? Mah caah dalan a hau lo.

Israel cozah nih phone le computer hack nak software a sermi cu Myanmar ralkap nih $4 million in an cawk. Israel ralkap tank, drone le hriamnam dang zong tam ngai an cawk. Israel company Cellebrite sin zongah phone le computer hack nak software an cawk. 

Cun, 2020 ahkhan Myanmar ralkap nih simcard company vialte; Telenor, Mytel, MPT, Ooredoo, tbk cu ‘misual fawi tein tlaihnak caah’ tiin phone le computer hack nak software a install ter dih hna. 

Cucaah, Myanmar ralkap nih nan phone number a theih ahcun nan umnak hmun/GPS, phone nan i chawnhmi le ca nan i kuatmi le internet nan zohmi vialte a theih dih.  

Ralhrang dotu, CDM a tuahmi le ralzaam bawmtu a simi nih nan phone number zapi hmuh in tar hlah ulaw kan duhpiak hna.

Charhchan:

  1. Reuters: How Myanmar’s military moved in on the telecoms sector to spy on citizens
  2. New York Times: Myanmar’s Military Deploys Digital Arsenal of Repression in Crackdown
  3. The Guardian: Saudi Arabia government used Israeli hacking software to kill journalist Jamal Khashoggi