24 C
Hakha
Monday, November 18, 2019
More

    Kawl Ralkap le Hriamtlai i kahnak in minung 14 an thi cang

    Follow Us

    99,184FansLike
    135SubscribersSubscribe

    Ṭial Tharmi

    Facebook nih fake account 5.4 billions hrawng a thah

    Facebook nih, "tu kum chungah fake account 5.4 billions hrawng kan thah i, ngakchia hremnak le mahlemah thahnawnnak an tarmi million tampi...
    - Advertisement -

    Pyin Oo Lwin: Kawl Ralkap le tlangcung hriamtlai bu Northern Alliance i kahnak nih a tlawmbik minung 14 paoh a thah cang hna.

    Northern Alliance chungtel Ta’ang Miphun Luatnak Ralkap (TNLA), Rakhine Ralkap (AA) le Myanmar Miphun Democracy Ngahnak Ralkap (MNDAA) nih Nilini zingka ah Pyine Oo Lwin um Ralkap engineer sianginn Defence Service Technology Academy zong an kah.

    Tlangcung hriamtlai nih Ralkap Sianginn an kahmi hi ralkap nih ritsii tampi an tlaihpiak hna caah an lehrulhmi hna asi tiin kan theih, tiah AFP nih a ttial.

    Atu an i kahnak pawng hrawng hi vawlei cung ah ritsii (meth) a chuah biknak hmun asi. Hriamtlai bu caah tangka a chuah biknak hmun asi, tiah thiamsang nih an chim.

    Pyin Oo Lwin khua i palek sakhan a va phanmi AFP thawngla nih Kawl Ralkap ruak 7 le palek ruak 4 a hmuh hna.

    Ralkap biachimtu Ralbawi Bo-khat Zaw Min Tun nih, “mah pin ahhin midang 3; ralkap 2 le mi sawhsawh 1 thah an tong rih. Atu hi kan i kah cuahmah liopi asi ko,” tiah a chim.

    Cucaah, atutiang a thimi hi a tlawm bik 14 an si cang tinak asi.

    Ralkap nih, “pawngkam tlanghram in tapung nih 107mm rockets in Pyin Oo Lwin ralkap sianginn an kah,” tiah an chim. Sianginn le mawttaw a rawk viarmi hmanthlak pawl zong ramchung media pawl nih an tar len.

    “Pyin Oo Lwin um Ralkap Sianginn kan kahmi cu Ralkap nih kan hmunhma ah a kan kah lengmang ruangah kan lehrulhmi hna asi,” tiah TNLA biachimtu Major Maung Aike Kyaw nih a chim.

    Ralkap Bo-khat Zaw Min Tun nih, “liamcia zarh tlawmpal ahkhan Ralkap nih ritsii tonnes tam taktak kan tlaihpiak hna caah tapung nih a kan kahmi si ti kan zumh,” tiah a chim.

    July thla ah, ritsii dotu palek pawl cu Shan state i Kutkai pengah ritsii an tlaih lio ah miakpi le hriamnam ngan pipi in kah an tong — US dollar million tampi man ritsii (meth) le chemical tam taktak an tlaih.

    ‘Golden Triangle’ tiin min an sakmi – Myanmar (Shan state), China, Thailand le Laos aa ritnak zawn – upadi zong a um khawh lonak hmun hi kum tamtuk chung ritsii ‘opium’ le ‘heroin’ an chuahnak hmun asi.

    Shan state chaklei ah China nih amah miaknak caah lam le innlo sak a timhnak hmun pawl hi hriamtlai nih an sunhsak tukmi hmun manngei asi. Mah ruang zongah Kawl Ralkap he an i kah pengnak asi ve.

    Nawlnak: Kan website chung ca le hmanthlak hi website dangah copy piak lo dingin kan in nawl hna.
    Lian
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.

    Na duh ve men hna laiRELATED
    Kaan thim piakmi an si