Kawl Ralkap company lutlai U Thein Aung a inn pawng ah an kah thah

- Advertisement -

Uknak firtu Kawl Ralkap company 2 i lutlai a simi U Thein Aung cu tuni November 4 zingka 7:30am hrawngah a inn pawngah meithal in an kah i a hmun ah a thi, tiah an sangmi ummi pakhat le CDM a tuahmi Mytel company rianṭuan pawl nih an chim.

Yangon, Mayangone peng i Sang 7nk Tay Nu Yin lam inn number 16/A-1 ah a ummi U Thein Aung le a nupi Dr. Theint Aung Thu cu an inn in kar 50 hrawng a hlatnak ah meithal kah an tong.

A vapa cu a hmun ah a thi, tiah Sangbawi U Ye Win Aung nih a chim.

“A nupi cu a tai ah kuan 1 nih a khen. A kehlei kio pawngah kuan 1 nih a khen. A orhlei ke ah khen fawn. A dihlak kuan 4 nih a khen. Anih cu a tlik zong tli kho rih. A thaw chuah aa su pah.

“A vapa a tluk hnu ah a tli i mi zong a va auh khawh hna. A vapa cu a hngawng ah kuan 4 nih a khen i a hmun ah thi,” ati.

An nuva in kum 56 an si i an fale Dr. Min Khant, Maung Min Thant le Ma Shin Thant May he inn khat ah an um. Hika sang ahhin an i thialnak a sau rih lo.

Hliam tongmi Dr. Theint Aung Thu cu Kanthaya Sizung in Mingaladon Ihkhun 1,000 Sizung ah an kuat, tiah sangbawi nih a chim.

Kawl Ralkap tapeh pawl thah an ton tikah Kawl Ralkap nih an sangah ra in pawngkam vialte ah mi that tu an kawl tawn nain ralkap company lutlai U Thein Aung thah a tonmi kong ahcun tu zaanlei 1pm tiangah an inn pawngah ralkap an ra rih lo, tiah sangmi nih an chim.

U Thein Aung cu Kawl Ralkap pension a la cangmi asi. Ti Ralkap ah Buhmu level tiang a rak phan. An sang ahhin min cazin khumh rih lomi asi. Ralkap nih uknak an fir hnu ah khual bantukin a hung ummi asi.

Anih hi ralkap company tampi ah lutlai asi. Myanmar Economic Company (MEC) le Star High Company ah General Manager a rak tuan bal pinah Mytel company lutlai 3 lakah aa tel vemi asi.

Mytel company ah tangka tlai (CFO) asi, tiah mah company chuah takin CDM a tuahmi riantuantu hlun 7 nih an chim.

Justice for Myanmar page nih cun, “U Thein Aung cu 2018 ah Mytel company ngeitu Board of Directors ah a lut ve. Company tangka tlaitu CFO level tiang a tuan hnu 2019 September ah aa phuak,” tiin a langhter.

Mytel company a lubik tlaitu cu uknak firtu ralkap bawizik Min Aung Hlaing he ralkap university a rak kai timi atu lio Yangon inn thabik a si vemi Kabaraye villa ah ummi Buhmuci hlun U Khin Aung Soe asi.

U Thein Aung kuttang ah thawngpang tlaitu (CIO) rian a tuanmi cu Russia in a hung tlungmi Buhmuci hlun Maung Zaw Lin Soe Thu asi, tiah CDM a tuahmi Mytel company riantuan pawl nih an chim.

“U Thein Aung hi cu midai ngai asi. Aana piah a hmang tukmi zong si lo. Sagaing ramthen a rat lio hoi hna ahcun, ‘duhmi party paoh mee pek khawh asi, rian he cawh ding asi lo’ a rak kan ti,” tiah CDM a tuahmi Mytel company engineer pakhat nih a chim.

U Thein Aung hi PDF nih an thahmi asi men lai lo, tiah engineer nih cun a zumh.

“An umnak sang hi a daih tuknak sang asi. A inn address, lam le leng a chuah caan, tbk vialte an hngalh khawh dihmi hi a riantuan ti hawi nih an thahmi si lai,” tiah engineer nih a chim.

U Thein Aung hi ralkap company Star High Group, Star High Co., Ltd, Jewels of Angel, Golden Majestic Star Mobile, Agro Pack, Telecom International Myanmar, tbk pawl ah director a rak tuan balmi asi.

A linsa mi tuni thawngpang pawl;

  1. CDF-KKG le Zoland PDF nih Kawl Ralkap 2 an thah hna i meithal zong an lak — hmet law relchap
  2. Australia um Kawl Doctor 2 nih CDF bawmhnak an pek — The Chin Express
  3. Malaysia nih minung fir hmang Myanmar rammi 3 a tlaih hna — The Chin Express
  4. US le Indonesia Presidents nih ‘na tlaihmi thlah dih hna’ tiin Min Aung Hlaing an hro — hmet law relchap
  5. Pencilo nih Thantlang caah tangka ting 300 a hlut — The Chin Express
  6. Kawl Ralkap company lutlai U Thein Aung a inn pawng ah an kah thah — The Chin Express
  7. Model Dr. Nang Mwe San nih Thantlang caah tangka ting 10 a hlut — The Chin Express
  8. CDF-Matupi nih Kawl Ralkap 20 an thah hna — The Chin Express

David Lai nih Thantlang caah tangka ting 40 (S$3,000) a hlut

A linsa mi tuni thawngpang pawl;

  1. US le Indonesia Presidents nih ‘na tlaihmi thlah dih hna’ tiin Min Aung Hlaing an hro — hmet law relchap
  2. Tuni ah Chin state hmun 3 ah kahdohnak chuak, CDF nih Kawl Ralkap 5 an thah hna — The Chin Express
  3. Steven Mung le hawile nih Thantlang caah tangka ting 150 an hlut — The Chin Express
  4. Pencilo nih Thantlang caah tangka ting 300 a hlut — The Chin Express
  5. Kawl Ralkap company lutlai U Thein Aung a inn pawng ah an kah thah — The Chin Express
  6. Model Dr. Nang Mwe San nih Thantlang caah tangka ting 10 a hlut — The Chin Express
  7. CDF-Matupi nih Kawl Ralkap 20 an thah hna — The Chin Express

David Lai nih Thantlang caah tangka ting 40 (S$3,000) a hlut

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...