Kawl ralkap bawi pawl nih Mizoram Vuancichoh Zoramthanga an ton

Kawl ralkap bawi 10 nih Mizoram Vuancichoh Zoramthanga an ton

India ram federal uknak kong hlat dingin India ram a phanmi Myanmar ralkap kuzale 10 nih October 1 ahkhan Mizoram Vuancichoh Pu Zoramthanga cu a inn ah a va ton.

Myanmar ralkap bawi chang ralbawi Aung Lin Dwe le a kut tang pawl nih Mizoram Vuancichoh Pu Zoramthanga an ton lio ahhin ramhnih kar chawlehnak le pehtlaihnak tthawnter dingin an ceih.

“Mizoram cu a buai tukmi state a rak si nain atu ahcun India ram ah a dai bikmi state pakhat a si caah kan uar/upat. Kan ram zongah hi bantuk a hmunmi deihnak lenter kan duh ve,” tiah ralkap nih an ti.

Cu lawng siloin, Myanmar ralkap kuzale pawl cu Aijal club ah Mizoram state cozah bawi pawl he zong an i tong i India ram democracy uk ning, rampi cozah le state pawl nawl ngeihnak an i tthenh ning le election an tuah ning kong an ceih.

Cun, Mizoram University rianttuan pawl he zong tonnak an ngei i Democracy le Federal timi tlangtar in tonbiaruahnak an ngei.

Atu tan India ram a tlawngmi pawl cu; Lt. General Aung Lin Dwe, Maj. General Soe Naing Oo, Maj. Than Hlut Thein, Colonel Khin Maung Kyi, Colonel Kyaw Soe Oo, Colonel Kyaw Lin Maung, Lt. Colonel Than Soe, Lt. Colonel Khin Zaw le Captain Thet Zin Aung an si. – Khonumthung

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.