16.3 C
Hakha
Sunday, August 1, 2021
- Advertisement -

Ṭial Tharmi

Kawl ralkap 3 nih an tlaihhrem hnu ah tangka 20,000 an pek

Rakhine state, Rathedaung peng thlanglei ah a ummi UGa khuate ah kum 36 nu cu Kawl ralkap 3 nih an tlaihhrem hnu ah tangka Kyats 20,000 an pek tiah RFA nih a ttial.

Kawl ralkap nih a dik lomi a si, mipi nih huat hna seh ti duh ah a ttawn chommi a si a ti.

Kum 36 nu cu fa 4 ngeimi si i a vapa nih a luancia thla 6 ahkhan Thailand ram ah rianttuan ah a kaltak hna.

Min langhter lomi nu nih “June 30 zaan sml 11 hrawng ah ka fanu, ka tunu, ka nute, ka unu, ka vapa nu le he kan inntang khor chung kan i thuh lio ah Kawl Ralkap 4 kan inn ah an ra.

“Meithal an i put i inntang cu dahmei in an ceuh len, mah ahcun ka tunu te cu a lau tuk i a ttah caah ralkap nih a kan hmuh.

“Nan hmet-pung-tin kan check lai an kan ti. Keimah pakhat lawng inn sir lei ah an ka kalpi i an ka tlaihhrem,” tiah a chim.

“Thah ma na duh deuh, kan duhmi dah na kan tuahpiak lai an ka ti. Ka duh lo tiah ka al hna. Na duh lo i, na tlik ahcun kan in thah lai tiah nam he meithal he an ka hmuah.

“Tlik kaa tim nain an ka tlaih. An duhmi ka tuahpiak hna lo ahcun a thi ding ka si. Ka chungkhar le chungkhat zong an thah hna ding a si. Cu ruangah, kaa sit. An duh ningpaoh in an ka tuah, an ka tlaihhrem.

“Mah kong hi aho hmanh na chim hna lai lo an ka ti i tangka Kyats 20,000 an ka pek. Cu hnu ah, inntang thuhnak khor ahcun an ka thlah tthan,” tiah minu nih cun a chimchap.

“Kawl ralkap pawl nih keimah an ka tlaihhrem hnu ah ka fanu le ka vapa nu cu an duh na loin khor chung in an chuah hna i an ka tlaihhremnak lei ah an kalpi hna.

“Ka fanu cu fa a hrinnak ni 6 te lawng si rih. A hnu cun ka fanu cu an rak thlah tthan. Ka fanu cu an tlaihhrem lo,” tiah minu nih cun a chim.

Kawl ralkap lei biachimtu ralbawi Zaw Min Tun nih,”mah kong he pehtlai in ralkap nih thil sining kan hlat tikah hi bantuk in a cangmi thil a um lo,” tiah a chim.

June 30 zaan lei sang ah Kawl ralkap pawl nih meithal an puah i UGa khua chungah an rak lut, tiah khuami nih an chim.

“Kawl ralkap pawl nih AA kong he pehtlai in an lunghrinhnak khua ah an lut i khuami pawl cu an tlaih tawn hna. Kawl ralkap an ra lai ti an theih ahcun pa pawl telhin khuami tampi cu pawngkam khuate ah an zaam tawn hna,” tiah khuami pakhat nih a chim. – RFA Burmese

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -