16.3 C
Hakha
Thursday, June 17, 2021
- Advertisement -

Ṭial Tharmi

Kanye West nih US President Kaa Cuh Lai a Ti

American rapper Pu Kanye West nih, “2020 ah president kaa cuh lai,” tiin Twitter ah thawng a thanh.

Pu Kanye West hi atu lio US President Donald Trump a ṭanh ngaimi si. Aa cuh taktak ahcun Trump le Biden he an i phomh lai tinak asi.

Pu West nih White House ah President Trump a ton lio

“Atu cu, Pathian zumh buin aa dang ciomi kan saduhthah kan fonh i kan hmailei kan ser ahcun America nih hlawhtlinnak nganpi kan hmuh lai ti hi kan hngalh hrimhrim a hau cang. US President kaa cuh lai,” tiah Twitter ah a ṭial i “#2020Saduhthah” tiin hashtag a tuah.

A thaisung Pi Kim Kardashian West nih aa share ve.

West te nupa

Pu West ṭheo kan ti cu, thla 4 lawng aa duh cangmi November 3 thimnak ah US President aa cuh taktak lai maw ti hngalh asi rih lo. I cuh dingin cozah zungah a herhmi catlap a tuah cang maw ti zong hngalh asi rih lo.

‘President kaa cuh lai’ ati hi a tlawmbik voi 3 paoh asi cang. 2015 MTV Video Music Award laksawng peknak tuah lio zongah “2020 ah president i cuh dingin kaa sungphiat cang” tiah a rak chim.

Ni kum zongah “2024 ah president kaa cuh lai” tiah Fast Company puai tuahnak hmun ah a rak chim.

States tampi ahcun atu hi independent in i cuh duhmi nih min peknak caan a um rih ko.

Pi West nih White House ah President Trump a ton lio

Pu West le amah tluk bakin a minthang vemi a thaisung Kim Kardashian West nih Pu Trump zong White House ah an rak len bal.

A minthang taktakmi Electric-car sertu Tesla CEO Pu Elon Musk nih Pu West cu President caah a duh ngai. “Ka sining dihlak in kan ṭanh!” tiah Pu Elon Musk nih Twitter ah a comment.

Pu West hi a lungchuak paoh chim a hmangmi si kaw a tuah taktak hlan cu zumh thlu awk a ṭha lo.

Ni kum ah, ka rum tukmi le ka pianthar mi langhternak caah “Khrihfa Thiamkhun Nuaithongngei Kanye West (Christian Genius Billionaire Kanye West)” tiin ka min kai thlen lai, ti zongin a rak chim nain aa thleng lo.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -