16.4 C
Hakha
Thursday, July 29, 2021
- Advertisement -

Ṭial Tharmi

Kanpetlet pengah Lai namtong aa putmi dantatnak upadi cu khuami nih an cohlan

Salai Khup Khup | Chin World — Chin state Kanpetlet pengah Lai namtong/namte le hriamnam aa kenmi dantatnak upadi cu khuami tam deuh nih an cohlan, tiah kan theih.

Kanpetlet Zatlang Bu rianṭuan U Mana Shing nih, “Sipin le GAD nih kan hnu zarh ahkhan hriamnam put cawnpiaknak le poster tarnak an tuah. Khuami tam deuh nih cun ‘sikan ngei hna seh tiin upadi a kan tuahpiakmi cu’ tiin an cohlan, cheukhat mi tlawm deuh nih cun kan nunphung pei si ko cu an ti ve,” tiah a chim.

“Nam sawh a tamtuk hringhran, ni kum hoi hna cu minung 8 nam sawh an tong, meithal kah bal cu kum 1 ah voi 2 hrawng a um, cucaah mah kong hi kum 5 chung hrawng hlathlainak an tuah hnu ah atu bantukin Sipin le Penguk Zung nih an khamnak si tiah an chim,” tiah a chim.

Kanpetlet pengah thla 1 chung theihternak le cawnpiaknak an tuah lai i thla 1 hnu cun sikan ngei loin Lai namtong/namte, fei, meithal, thal, tbk., hriamnam aa putmi cu upadi ningin fakpi in a theipar zunter an si cang lai.

Kanpetlet Public Hospital lutlai Dr. Pau Sian Lian nih, “puai zaan le khuate ah i sikvelh ruangah nam aa sawh i sizung ah a thimi an tam ngai. Nunphung ti zongah khua chung le zung ahcun i put hau maw ti zong ruah awk um,” tiah a chim.

“Rianṭuan dingin ramtang kal ahcun Lai namtong/namte ken ngah seh ti va siseh law phun dang si. Khuapi chungah i bei cu a herh lopi. Namte an i bei ruangah pawngkam um an thinphang. Sizung lebang ahcun atu le tu kan hmuh lengmang.

“Sizung ahcun a kan huat zongah poi lo tiin i ken hlah uh kan ti peng hna. Atu sikan an chuahmi zong cu fianghlang tein an tuah hau. Nam i bei hi nunphung ngai si loin a leemmi zong an um,” tiah a chimchap.

Mindat peng zongah January thla thokin Lai namtong/namte, fei, meithal, thal, tbk., pawl sikan ngei loin aa putmi cu upadi ningin dantat an si cang, tiah kan theih.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -