IRAN _ Cawnnithum ahkhan Iran official nih an General thattu tazacuainak le teirulchamnak kan tuah zau lai ti.
General Soleimani thahnak nawl chuahtu hi Trump a si. America za tam a rak thattu tiah an ruahmi a si caah an thah kha si.
Iranian Parliament nih January i kan General thattu he pehtlaihnak a ngeimi pumpaak minung 48 kan theih cang hna an ti.
Kan General thahnak i hruaitu bik, zei ram in dah an cawlcangh i, aho nih dah a konglam a phuan ti kha kum khat chung kan hlatlai i kan theih khawh cang ti si.
Trump nih an Soleimani an thah chawng ahkhan keimah pumpak nawlchuahnak in thahmi a si tiah a rak cohlan. Raal tukdohnak kan kham khawh cang, raal thawhnak caah kan tuahmi a si lo a rak ti.
“Trump hi martyr Soleimani thahnawnnak ah number one a si, vawlei theih ah a sual ai phuang cang. Cucaah, a tuahsernak ruangah hremnak hi a ton lai,”Iran ralbawi pakhat nih a chim.
Trump hruainak in tuahmi sual hi ngaihthiam khawh a si lo, Iran teirulchamnak hi a um zau lai ti si. Teirulchamnak kan tuah lai kan timi hi kan tuah hlan lo cu, a nithla a dih cang ti a um kho lo.
Kan General thahnak i a kut thiang lomi cu Israel an siah, Iranian an siah, US an siah an tuar ve lai ti bak si.
BREITBART NEWS (December 31)
