2019 chung atu tiangah Kalaymyo peng chungah tlaihhrem case 19 a um i cu chungah kum tlinglo ngakchia tlaihhrem case 8 aa tel tiah Justice for Women nih a ti.
“Kan cazin ning ahcun 2019 chung ah tlaihhrem case 19 a um. Cu chungah, kum 14 tang ngakchia tlaihhrem case 8 a um. Kum 16 tang tlaihhrem case zong a um, a dang tein kan tthen hna. A kum tling cang nain pum tlamtling lo tlaihhremmi zong an um,” tiah JW chungtel Pi San Nuam nih a chim.
Kum 2019 chung ah a cangmi tlaihhrem case cheukhat cu biacein zung nih bia a khiahpiak cang hna nain cheukhat cu a ceihpiak cuahmah hna lio a si.
“Tlaihhrem tongmi holh thiam lo, hnachet pawl cu kutke in mi chawnhbiak ning an thiam ve lo tikah biaceih zung nih an kong a ceih tik ah a rau khun.”
“October 1 i No.8 sianginn ah KG a kai liomi ngakchia nute a tlaihhremtu zong rianrang in an tlaih khawhnak hnga kan i zuam liopi a si.”
“Atu tiang mi zei a si kan hngal rih lo. Case cu kan on cang. Atu hi ngakchia nute cu a dam lo i a nulepa zong nih biahalnak nawl a kan pe rih lo. Ngakchia nute a dam in a herhmi cu pehzulh in kan tuah te lai,” tiah Pi San Nuam nih a chimchap. – Chin World
Ṭial Tharmi
US Kawlram nu Su Hliang cu a ruak in an hmuh
Ethiopia PM Abiy Ahmed nih 2019 Nobel Peace Prize a ngah
Nilen Parmawi hla thar ‘Min Sung Bik’ a chuak cang
Hakha ah 4-star hotel pathum an sak lai
