Kalaymyo, Tahan sang i mipi sandahpiahnak hmun ah a lutmi uniform aa hruk lomi palek 4 cu mipi nih an tlaih hna.
Sandahpiahtu pawl nih songkhoi chungah vawlei an rawn i lam an kham. Khat lei kha sandahpiahtu mipi hmun asi. Palek 4 cu lamkham lonh in mipi hmun lei an luh caah an tlaih hna hi si.
Sandahpiahmi hmun a phanmi pakhat nih, “Hika lei an hung luh caah kan tlaih hna. Beer kan ding lai an ti, nain zumh an um lo caah kan tlaih hna,” tiah a chim.
“An tak cungah an min le rank aa ṭialmi catlap kan hmuh. Hriamnam caah thir fung an i ken,” ati.
An tlaihmi palek 4 cu;
- Kalaymyo mawṭaw/saikal palek bawi chang U Ko Min
- Sergeant Thein Naing Oo
- Deputy Sergeant Nanda Min le
- Palek sawhsawh (rank ngei lo silole rank niambik) Pyo Thiha hna an si.
Ref: Chin World
