Kalaymyo ah Covid-19 zawtnak ngei hmasabik mi mizaw nu (case 74) cu a pum ah voi 2 tiang rungrul an hmuh ti lo caah tuni May 8 ah sizung in ttinter a si.

“Mizaw case 74 pum ah voi 2 tiang Covid-19 rungrul an hmuh ti lo caah sizung in a chuak cang. Leng chuak loin inn ah a um rih lai,” tiah Kalay penguk U Khin Maung Cho nih a chim.

Covid-19 in a dammi nu cu Kalaymyo, Tatoo Thida sang ah a ummi a si i Myanmar ram ah Covid-19 zawtnak ngei hmasabik Tedim pa (case 1) nih a chawnhmi a si.

Kalaymyo ahhin Tedim pa sin in zawtnak aa chawnhmi minung 6 an um. Cu chungah pakhat cu a dam i tuni ah sizung in a chuak cang. A tangmi 5 cu sizung ah an um rih ko.

Covid-19 mizaw 6 he aa neihniammi pawl cu Kalaymyo sizung ah a dang tein an chiah hna i an thi/hang an check hna tikah voi 2 tiang an pum ah rungrul an hmuh lo caah May 5 ah sizung in an ttinter dih hna. – Khonumthung Burmese

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.