Sagaing ramṭhen, Kalay University pawngah zahan zaan 9:30pm ah ralkap nih an kah thahmi Salai Van Biak Thang, kum 19 ruak cu tuni an vui lai, tiah kan theih.
Salai Van Biak Thang @Nyan Lin Htet cu Kalay University ah kum 2nk a kai liomi si. A ruak cu tu zaanlei 4pm ah an vui lai, tiah Khaikam khuami sin in kan theih.
Khuami pakhat nih, “Zaan 9pm hrawngah Khaikam palek sakhan pawng ah meithal puah thawng kan theih. Khaikam in meng 9 hrawng a hlatnak ah mino le ralkap an i kap ti kan theih, cun Kalay University pawngah meithal puah thawng kan theih,” tiah a chim.
“Zingka ah leng ka chuah cu Kalay University hmai ah minung tampi an i butmi ka hmuh caah ka va zoh ve. Lakhruak mizaw phorhnak mawṭaw cungah ruak an khinmi ka hmuh.
“Salai Van Biak Thang ruak asi. Khaikam ah a ummi mino asi. Zaanlei ah ruak an vui lai tiah kan theih,” ati.
Zaan 9pm hrawngah ralkap nih hmun an khuarnak Kalay University he aa rimi Khaikam khua hmun tampi ah mino le ralkap, palek an i kap hna i Salai Van Biak Thang a nunnak liam, adang 3 hliam an tuar, tiah khuami sin in kan theih.
Ref: Chin World
