Kalay sandahpiahnak ah ralkap nih Chinmi 3 an tlaih hna

March 17 | Kalaymyo sandahpiahnak ah ralkap le palek nih Chinmi 3 an tlaih hna, tiah kan theih.

Zingka ah sandahpiahnak an kal hnu in atutiang chungkhar nih an pehtlai kho ti hna lo.

An tlaihmi 3;

  1. Leng Mang San Nuam,
  2. Val Lian Sian Muan le
  3. Val Cin Zuun Kim hna an si.
Mang San Nuam
Lian Sian Muan
Cin Zuun Kim

Sandahpiahmi Chinmi 3 zong ralkap le palek nih an kah thah hna

Kalaymyo Taungphila sangum Salai Cung Lian Ceu, kum 25 cu “ralkap nih sandahpiahmi an kah hna” ti thawngpang a theih caah sandahpiahnak kalmi a nau nu khamh dingin a kal lio ah NyiNyiTun lakphak dawr hmai ah an kah.

Sizung kuat an timh nain palek nih mawṭaw in an kham hna caah tuan ah an phakpi kho lo. A ṭang ah an kah i a cuap khen caah a thihnak si, tiah kan theih.

Salai Cung Lian Ceu

Salai Cung Lian Ceu cu Mandalay khua ah Pathian rianṭuanmi asi i Kalay a tlunnak ni 5 lawng si rih.

Kalaymyo Tahan sangum AG biakinn hmai ah tlangval Do Suan Kim, kum 20 cu ralkap le palek nih an kah thah i a ruak cu ralkap le palek nih an lak. 

Do Suan Kim

“Aruak cu atutiang kan la kho rih lo,” tiah chungkhar nih an chim.

Khaikham khua um ngakchia 3 hna i an pa pakhat zong Kalaymyo sandahpiahnak ralkap le palek nih an kah thah ve.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...