Kalay ah Chin pa an tlaih i thong ah an kalpi

- Advertisement -

Tuni Kalaymyo, Tahan ralkap duhlo langhternak ah Chin mi Lalrammawia an tlaih, taza an cuai i thong ah an kuat, tiah khuami nih an chim.

Tahan sandahpiahmi pawl cu Duwaichaung lei an chuah lio ah an hnulei ah palek mawṭaw, ralkap mawṭaw le ti kahnak mawṭaw in ruah lo piin palek le ralkap an hung chuak i hnulei minung pawl an tlaih thluahmah hna.

Lalrammawia, kum 34 cu pawngkam inn pakhat chungah aa thup nain palek nih an hmuh i an tlaih. An kalpi, tiah a hmutu pawngkam minung nih an chim.

Lalrammawia cu kan thlahpiak uh, tiin Kalaymyo mipi cheukhat nih palek sakhan ah hal dingin an kalhnawh.

Palek sakhan hmai ah minung an i khomh lenlio ah palek mawṭaw, ralkap mawṭaw, ti kahnak mawṭaw le JCB tampi palek sakhan pawng an hung phan i an kham hna.

Tuni cu Kalaymyo ah sandahpiahtu minung tampi an chuak i palek he i phomh lo dingin an hrial len hna nain Tahan ah sandahpiahmi Chin mi Lalrammawia cu an tlaih, tiah theih asi.

Ref: Chin World

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...