Kal (Kidney) A Thurmi Ttawl Ning

Minung kan sining ah kan takpum chungril riantuan tu tampi an um. Culak ah kal hi riantuan tu ah a biapimi pakhat a si.

Mipakhat cu a kal dam lo, a kal thianlo le a kal rawh ahcun a kengfak, a um khua a nuam lai lo i a inn awk ah a har tuk lai. Thilrit cawi khawh a si lo.

Kal cu minung takpum chungi a ummi siivai tha lo vialte a tawl tu a si. Curuangah a ngandam a hau. Hika ah umnak hmun tein kal i tawl ning tawlmpal kan in siaherh ve.

A herhmi thil:

Calery, retei, khuaihaang(honey) le ti

A tungning:

Calery kung 4 kha a fa tete in na per lai i um pakhat chungah ti he na chuan lai. A haang tlawh in hrai chungah na tlen lai i minutes 10 tiang na deih ter lai. Retei pum khat kha a lai in na cheu lai cu a cheu cu calery haang ah na surh lai. Cun khuaihaang(honey) keu 2 in cawh chih.

Blender seh a ngeimi caah cun a cunglei bantuk in chuankhin len a hau lo. Calery hnah kha blender seh in rial i retei surh le khuaihaang keu 2 cawh in dinkhawh colh a si. Voikhat ah tampi in tuah i icebox ah zerhkhat ca tiangzong i chiah khawh a si.

Azat:

Calery, retei le khuaihaang cawh cu nikhat ah hraikhat din ding a si lai.

Ti cu nikhat a a tlawmbik hrai 8 din ding a si. Hi kal tawlning hi a kal tha ko mi zongnih tuah khawh ahcun a tha, na kal a thian le thur cu na theih lai lo caah.

Ralrin Peknak:

Nau pawi lio mi nih din lo ding, thikai zawtnak a ngei i thikai zawtnak lei sii a dingmi nih cun sii bawi te ruahnak hal ta ding.

Hi tining tein pehzulh tein le fel tein na tuah ko a si ah cun na kal cu a thiang ko lai. Na ngan zong a dam lai.

Ref: All Traditional Herbs

 

Leave a Reply

Your email address will not be published. Required fields are marked *