Kachin pastor taza an cuaimi Ralkap nih an leet tthan

- Advertisement -

US President Donald Trump sinah Kawlram khrihfa hrem kan tonnak kong a chim i bawmh a haltu Kachin pastor Rev. Dr. Hkalam Samson cu Myanmar Ralkap nih taza an cuai nain US cozah nih a auhnawh hnu ah an leet tthan.

Tuni ah Kachin state i Myitkyina Peng Biaceihzung biaceihtu U Than Tun nih, “ralkap bawi Lieutenant-Colonel Than Htike nih Rev. Dr. Hkalam Samson taza a cuaimi cu a leet tthan,” tiah a chim.

“Tazacuaitu duhnak bangin, Rev. Dr. Hkalam Samson cu biaceihzung nih zeihmanh tazacuai asi ti lai lo,” tiah a chimchap.

Tazacuaitu ralkap bawi nih a leetnak a ruang balte cu a chim lo.

Rev. Dr. Hkalam Samson nih tuni ah, “ralkap nih taza an ka cuaimi an leetmi cu ka lungtling ngai. Leet dingin kanmah KBC le ralkap kar ah zeihmanh biaruahnak a um lo,” tiah a chim.

Ralkap biachimtu Brigadier General Zaw Min Tun nih tuni ah, “ralkap nih kanmah lungtho tein kan leet mi si, ramdang nih a kan auhnawh ruangah si lo,” tiah a chim.

Kan hnu zarh ah US cozah nih, “Myanmar ralkap nih President Trump sinah Kawlram khrihfa hrem an tonnak kong a chimtu Rev. Dr. Hkalam Samson taza nan cuaimi hi kan lungrethei tuk…” tiah vawleipi theih in thawng a thanh — ka hmet law relchap.

Kachin state ah a ummi Myanmar ralkap Chaklei Bu hruaitu Lt-Col Than Htike nih kan hnu thla ah ‘Rev. Dr. Hkalam Samson nih US President sinah lih bia a chim…’ tiin tazacuainak ca cu Myitkyina biaceihzung ah a rak ap.

President Trump sinah bia a chim lio cu atang video ah zoh khawh si.

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -