Kachin nu hlasak thiam Ah Moon nih Thingyan puai rocknak caah tiin “Hey It’s New Year” timi video hla aa chuah i, nihin tiangah voi 899k an zoh cang. Mah video hla hi a fan pawl caah a tuahmi a si. Video cu April 9 ah a tarmi a si.

Ah Moon nih January 10 zong ahkhan Kachin State Ni upat pek can ah Jinghpaw hla a rak i chuah i atu tiangah voi 1.6 million bak an zoh cang.

Cun, Ah Moon cu June thla ahkhin Norway ram, Oslo khua ah hlasa ding a si.

“Norway ram ummi ka fan pawl ka show ah tel ve nan duh ahcun na min hramthoknak, a donghnak bik le email kha comment ah rak ttial ulaw, minung 10 in kan thim hna lai. Show kong a dikhlek (detail) cu nan email ah kan kuat hna lai,” tiin Ah Moon nih a Facebook Page in thawng a thanh.

Forbes magazine nih 2018 Asia Kum 30 Tang Hlawhtling Bik Mino 30 a thim hna lio ah Myanmar ram in Ah Moon Marip (kum 27) a thim ve. Nu menlo a si.

“Asia Kum 30 Tang Hlawhtling Bik Mino 30 thimmi dihlak cu July 16 khi Hong Kong ram ah tonnak kan ngei hna lai. July 16 cu ram phunzakip in a rami judge pawl he kan i hmu kho lai,” tiah Ah Moon nih a chim.

Zeitin na ruah?

Zaangfah na comment ṭial!
Zaangfah tein ka hin a min ṭial