Wednesday, December 1, 2021

Kachin model Ja Seng Ing nih Ralzaam bawmhnak caah a crown a zuar

Kachin miphun model Ja Seng Ing nih Miss Myanmar World 2017 i 2nk laksawng a ngahmi sui luchin (crown) cu Kachin ralzaam bawmhnak caah a zuar.

“Ralzaam hna caah zeital ka tuah khawhmi um ve hnga maw tiin khua ka ruah lio ah atu bantuk idea hi a chuak.

“Crown in ka hmuhmi tangka cu a dihlak in ralzaam caah ka pek lai,” tiah model Ja Seng Ing nih a chim.

Ja Seng Ing nih a crown cu auction (man sang bik in a pe kho tu sin ah zuar) a tuah i Kyats ting 100 in a thok.

Eleven Generation Co.Ltd i Chairman U Naw Li nih Kyats ting 150 in a cawk.

“U Naw Li cu Pathian nih a let za in thluachuah pe ko seh. Tangka cu Kachin le Rakhine state ah a ummi ralzaam bawmhnak ah ka pek dih lai,” tiah Ja Seng Ing nih a ti.

- Advertisement -