Ka Aiawhmi Hakha Khua Ka Tlawng Te Lai: Miss Universe Myanmar 2020 Winner Thuzar Wint Lwin

- Advertisement -

Myanmar ram aiawh in ramdang ah miss aa zuam ding thimnak Miss Universe Myanmar 2020 ah Hakha aiawh in aa zuam i teinak a hmumi Thuzar Wint Lwin cu Chin World media nih a ton i atanglei bangin a konglam a chim.

Thuzar Wint Lwin: Miss Universe kaa zuam lio ahcun model rian a ṭuanmi ka si. Atu cu Chin state aiawh in Miss Universe Myanmar pakhat ka si cang caah ka lawm tuk. Chin miphun min ka ṭhater zong asi caah kaa lawm khun.

Ka sianginn kaimi cu English major a donghnak kum ka kai lio si. Cun, Diploma in Hospitality Management zongah diploma ka dih.

Ka ngakchiat tein Miss Universe zuamnak ka zoh tawn caah adang miss zuamnak ahcun zuam kaa tim bal lo. Atu cu kum 22 zong ka si cang i keimah tein a ṭhudir kho dirhmun zong ka phak ve cang caah ka ngakchiat lio chunmang Miss Universe ah kaa zuammi asi. Avoi 1nak bik kaa zuam ah atu bantukin Miss Universe ka ngah caah kaa lawm tuk hringhran.

Mipi theih zongin ka chim cang bang, keimah cu Chin miphun ka si lo. Yangon mi ka si. Ka zuam lio zongah Miss Universe Yangon ah ka zuam. Sinain, aruang tampi ruangah City Director nih “Yangon 4 pinah Chin state ca zongah kan thim lai” ati.

Tu kum cu Chin state ah avoi 1nak bik Miss Universe tuah an timh zong asi caah Chin state va kalnak dingah a tlamtlin deuh lo caah Yangon tu ah Chin state aiawh an thim. I cutin City Director nih Hakha aiawh in aa ka zuamter. Ka si khawh chungin ka zuam ve.

Chin state, Hakha khua hi voi 1 hmanh ka phan bal rih lo. Khual ka tlawng pah ko nain Chin state cu tlawn a har deuh.

Hakha tlawng dingin atu hi kaa zuam liopi asi nain COVID-19 ruangah ka kal kho rih lo. Hakha aiawh in Miss Universe ka ngah cangka in City Director he Hakha kal dingin kan timh dih nain COVID ruangah kan i leet.

Atu cu lam zong a ṭha deuh cang ko i, COVID zawtnak a thian cun va tlawn ka zuam lai, ati.

Atang i Chin World video kan share mi ah tling tein zoh khawh asi.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...