John Thanga: Ka min in tuahmi Facebook account deu nih tangka a hlen hna

John Thanga: Ka min in tuahmi Facebook account deu nih tangka a hlen hna

John Thanga timi Facebook account deu nih minu pakhat cu lih hrokhrol in tangka a cawi i a hlen timi thawngpang a chuak. Mah kongah awttha John Thanga nih hitin a ti.

“Keimah min account deu (atu ka hmanmi keimah account si loin) hmang in lih hrokhrol in tangka a cawi i mi a hlen timi thawngpang ka theih cu ka lau tuk.

Cun, hlen a tongmi kan farnu ca zongah ka lungttha hrim lo. Zeitik hmanh ah Fake Account ka hmang bal lo i Online zongin tangka ka cawi bal lo.

Mah kong hi keimah he zeihmanh aa pehtlai lo. Ka hawile hna, mah thawngpang hi i zumh sual lai u cih. Mihrokhrol pawl zong i ralring dingin ralrin kan pek hna” tiah awttha John Thanga nih a Facebook cahmai ah a ttial.

John Thanga cu Galaxy Star Myanmar 2017 ah top 8 tiang a phan mi a si. Atu hi US ram ah hlasak an sawm i khual a tlawn lio a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.