23.7 C
Hakha
Thursday, June 24, 2021
- Advertisement -

Ṭial Tharmi

Joe Biden President Cuhnak caah Obama nih $11 Million a Hmuhpi

Democratic party in US president aa cuh ding Joe Biden caah President hlun Obama le Joe Biden nih live thlah in tangka an kawl i $11 million bak an hmuh.

Live thlah in tangka an kawl cu Nihnihni ahkhan asi. An live thlahmi a zohtu minung 175,000 nih $7.6 million an hlut.

Tangka tam deuh a hlu khomi caah online in hlutnak dangte an tuah chih i $3.4 million bak an hmuh.

Joe Biden President Cuhnak Phu nih, “atutiang tangka kawlnak kan tuahmi vialte lakah tutan hi tambik a lut,” tiah a thanh.

Coronavirus zawtnak a karh tuk caah mipum in tangka (fund) kawlnak tuah cu ṭihnung tuk tiin live an thlah ṭi i cutin fund an kawl hi si.

President Barack Obama cu Democratic party ṭanhtu minung tampi sinah a lar tuk rihmi si caah Joe Biden a bawmh hi President Trump caah thawngpang chia ngai asi.

Nain, Trump cu president i cuh ṭhannak caah 2017 thokin kum 3 chung tangka a kawl cang i Joe Biden nak let tamtuk in tangka a ngei deuh.

November 3, 2020 ah Democratic party in Joe Biden le Republican party in President Donald Trump cu president an i cuh lai. Ho nih dah a tei lai na zumh? Comment

Trump cu Zarhteni zaan ah Tulsa khuapi ah mipum in fund kawl biachimnak a tuah lio zongah $10 million a hmuh, tiah Trump President Cuhnak Phu hruaitu Pu Tim Murtaugh nih a chim.

Live thlah in fund an kawl lio ahcun Obama nih “Trump cu sibawi pawl nih coronavirus kong ruahnak an pekmi a tuah duh lo, hruaitu ṭha lo ziaza hmangin media pawl zong a hro peng hna, sandahpiahtu pawl zong ralkap in a tlerh hna” tiin a soi.

Obama nih “kan ram a damter khotu ding ahcun ka dawtmi ka hawi Joe Biden lawng hi ka zumh. Joe Biden cu pehzulh in ka bawmh lai” ati.

Joe Biden cu Obama president a ṭuan lio ah vice president a ṭuan piaktu asi.

Biden nih “Trump nih ramdang he pehtlaihnak a hrawh dih i kan ṭanṭi (maha-meih) ram pawl he zong pehtlaihnak a ṭha ti lo. President ka ṭuan ni 1nak bakah kan ṭanṭi ram pawl cu phone ka chawnh hna lai i ‘America a kir cang’ ka ti hna lai” ati.

Live an thlahmi a dih lai ah Obama nih “Joe, kaan dawt tuk” ati.

“Kaan dawt tuk ve, ka kawi,” tiah Biden nih a leh.

Charhchan: Reuters le The New York Times

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -