15.7 C
Hakha
Sunday, July 25, 2021
- Advertisement -

Ṭial Tharmi

Joe Biden nih Vuanci a Thimmi Hna a Thanh Lai

US President-thimmi Joe Biden nih vuanci a thimmi hna min cu Nihnihni (Tuesday) ah a thanh lai, tiah Biden caah White House chief of staff a ṭuan ding Pu Ron Klain nih a chim.

“Cun, COVID-19 zawtnak a karhnak hnga lo, Biden president ṭuan i thoknak puai zong hme deuh in kan tuah te lai,” ati. Hi cu January 20, 2021 ah si te lai.

President Trump nih a sunghmi a cohlang lo i Biden sunghter dingin biaceihzung ah tazacuainak a tuah len nain, nihin tiang pakhat hmanh a awngmin lo. Biden phu nih uknak lak dingin an i tim thluahmah ve.

Pu Ron Klain nih, “zei bantuk vuanci zung pawl caah dah mi a thim cang hna, cun aho te dah a thim hna ti hngalh nan duh ahcun, Nihnihni ah President-thimmi Joe Biden nih amah hmurka tein a chim lai i hngak rih ko uh,” tiin ABC media sinah a chim.

President Obama acozah lio ah Ramdang Vuanci changtu le Ram Himnak Ruahnak Petu chang a rak ṭuanmi Pu Antony Blinken hi Joe Biden nih Ramdang Vuanci caah a thim te ṭheo lai, tiah The New York Times le Reuters tadinca nih an thanh.

Nilini zong ahkhan Joe Biden nih, “keimah acozah ah Tangka Vuanci a ṭuan ding cu ka thim cang, Democratic party member dihlak nih an cohlan tuk dingmi asi,” tiin a rak chim i a min cu a phuang duh rih lo.

Pu Ron Klain nih, “Biden nih a ran khawh chungin vuanci pawl a thim ko hna nain Trump nih nihin tiang a kham peng caah a buaithlak ngai,” tiah a chim.

“Trump nih a kham ning hi ni khat hnu ni khat a zual chin lengmang. Biden le Vice President-thimmi Kamala Harris cu sungṭhoh thawngthanhnak zongah a tel ter hna lo, COVID-19 cazin le Biden nih vuanci thim a timhmi pawl an konglam zohnak nawl zong a pe lo.

“Cun, Trump nih GSA lutlai a khenhmi Emily Murphy zong nih nihin tiang Biden nih a tei tiin cathanh a chuah duh lo caah a buaithlak ngai,” ati.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -