16.3 C
Hakha
Thursday, June 17, 2021
- Advertisement -

Ṭial Tharmi

Joe Biden Campaign nih May Thla Chungah $80 Million Bak a Hmuh

US – A ra laimi November 3 thimnak ah US President aa cuh ding Vice President [hlun] Joe Biden mipi vote leemnak caah Democratic National Committee (DNC) he i bawm in May thla chungah $80.8 million kan hmuh, tiah Joe Biden campaign nih a thanh.

Thla 1 chung kan hmuhmi vialte lakah a tambik si, ati.

Joe Biden cu Democratic party aiawh in November 3 ah US President aa cuh lai. Republican party aiawh in aa cuh ding atu lio President Donald Trump he an i cuh lai.

Vote thlak caan a cut hlan ah state kip le khua tampi ah tlawng in ‘keimah ka vote uh …’ tiah mipi vote leemnak biachim le, TV le online ah tangka million tampi dih in i cawngia a hauh caah tangka tampi a herh.

Joe Biden a uartu mipi nih an ti khawh tawk cio an hlut, thla fatin a hlu pengmi zong an tampi. Joe Biden nih president a ṭuan ahcun ka caah a ṭha deuh lai ti a zumtu mirum le company pawl nih tangka million torlecheng an hlut ve.

April thla zongah Joe Biden mipi vote leemnak phu (campaign) le DNC nih $60.5 million an hmuh. Mah tluk US Covid-19 pulrai le sandahpiah buainak lakah hi zatzat tangka hlutu ngeih cu an ṭhawng ngai.

Joe Biden a rak zuamcawhtu MP/Senator Elizabeth Warren zong nih Nikhatni zaan ahkhan Joe Biden cu $6million bak a ngahpiak.

Joe Biden caah fund kawltu phu lutlai pawl nih, “Goerge Floyd thih ruangah ram pumpi ah sandah an piah hnu in Joe Biden a ṭanhtu le tangka hlutu an karh chinchin,” tiah an chim.

Trump campaign a let in tangka ngei deuh

Donald Trump cu kum 3 chung bak fund a kawl cang caah Joe Biden nak let in mipi vote leemnak caah tangka a ngei deuh.

Trump campaign nih May thla chung a ngahmi a thanh rih lo. April thla chung ahkhan Trump le Republican National Committee (RNC) i bawm in $61.7 million an hmuh. A pelte in Democrats an tei hna.

April thla dongh tiang ahkhan Trump campaign (mipi vote leemnak) caah an hmuhmi dihlak $742 million asi cang. US President aa cuhmi vialte lakah mah zat fund a hmumi an um bal lo. Trump nih cazin thar a ṭial.

Atu bank account ah tangka fang bakin $255 million an ngei rih.

Trump a chuah ni, kum 74 a tlin ni, June 14 ni 1 chung te bakah $14 million an ngah.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -