16.4 C
Hakha
Thursday, July 29, 2021
- Advertisement -

Ṭial Tharmi

‘Jesuh nudokpadok an siternak movie’ nih pastors le mipi 2 millions leng thin a phawh

Netflix website ah an chiahmi capo movie “Avoi Khatnak Khrih Tukforhnak (The First Temptation of Christ)” timi ah Jesuh cu nudokpadok an siter caah Brazil pastors le ramkheltu minthang pawl, Brazil president fapa tiang, le mipi millions tampi nih duhlonak an langhter.

‘The First Temptation of Christ’ movie cu tu thla thokka ah Netflix ah an chiah cangka in Brazil cozah nih kham ding le a chuahtu pawl ‘biaknak thlanglamh’ case in tazacuai hna dingin kahin online ah mipi nih nawlnak an tuah i mah ca ka ṭial lio tiangah minung 2 millions leng nih min an thut cang.

Movie ahcun, Jesuh cu kum 30 a tlinnak birthday tuah dingin thetse ramcar in inn ah ‘zohchia ngai in’ an tlunter.

Mary le Pathian cu phung buar in aa duhmi an siter hna. Jesuh apa Joseph cu cabuai pakhat hmanh a ser thiam lomi a chupchap pahmi lehtama an siter. Cun, Mary cu sechoh an zukter fawn.

Jesuh cu thetse ramcar lakah ni 40 leng an vahter hnu ah Nazareth khua an phakter i cuka cun a kaa dak ngaimi nudokpadok pa ‘Orlando’ timi aa zulhter. Mah hnu cun zei kong an chim paoh ah ‘nu bantukin a ummi’ kaa dak pa Orlando nih ‘Pathian fapa he an i duhnak kong…’ a chim peng.

Voi khat cu Orlando nih “tibual ah taklawng in kaa kholh lio ah, Jesuh a ra i kan i da*” tiah a chim.

Mah hrimhrim cu pastors pawl, ramkheltu pawl le Khrihfa mipi pawl nih an i faksak tuk.

Movie cu Brazil rammi Youtuber ‘Porta dos Fundos’ group nih a tuahmi asi. Mah group cu pastors te, ramkheltu pawl, Brazil president fapa hniang le mipi nih fak ngai in an soisel hna.

Brazil ram ahhin Khrihfa (RC) 120 millions leng an um.

Brazil president pa zong hi Khrihfa asi ve i “chiaṭha-khat sex tuah cu ka cohlang bak lo. Nudokpadok fapa ngeih nakin fapa thi ngeih ka duh deuh,” a rak ti balmi asi.

Brazil Khrihfa tampi nih “Netflix nih mah movie a delete duh lomi hi cu Khrihfa a kan nehsawh bia asi. Kan biaknak bia ve hna seh kan ti lo, nain kan biaknak kan nehsawh piak hna hlah seh. Netflix ka cawkmi zong ka cancel cang. Ka biaknak a nehsawhtu cu ka tangka pek dingah aa tlak lo,” an ti len.

Netflix nih movie cu a delete duh lo pinah a tuahtu ‘Porta dos Fundos’ group zong nih an delete duh lo. Mah tlukin Khrihfa millions tampi lung an fahtermi cu zei an rel lo.

Khrihfa thlanglamhnak movie cu delete hna seh ti na duh ve ahcun “mah hi hmet” law online petition tuahnak ah na min ttial ve.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -